Láıli

Jarqyl qaǵyp janaryń janyp turǵaı, Láılim!

Gúl júzińnen qyzyl nur tamyp turǵaı, Láılim!

Júregimde kirshiksiz mahabbattyń oty bar,

Lapyl atqan kúıinde qalyp turǵaı, Láılim!

Baqsaq, biz sulýlarǵa arnal­ǵan dep túsingen osy bir órnekter qyzǵa emes, Qudaıǵa, Qudaıdyń jamalyna ǵashyqtyqtan týǵan-dy. Máselen, Hafızdyń «On eki jasar súıiktim, men seni tańda kútemin» degen jyrynyń tápsiri, shaıyr «súıiktim» dep tańda keletin on eki bas namazdy aıtqan desedi. Hafız ǵazal­darynda «sahı», «sharap», «gúl», «kóbelek» sózderi rámizdik uǵymdarmen astasyp beriledi. Máselen, sharap degenińiz Qudaıdyń nury, kese bolsa júrek retinde qoldanylady. Iаǵnı kózege toltyryp sharap ishý – Qudaıdyń nuryn júrekke toltyrý. Hafız ómirin zertteýshiler ol eshqandaı búlikshil, qyzqumar, maskúnem bolmaǵanyn, kerisinshe ǵıbratty, ónegeli ómir súrgenin, otbasyna tıisti qamqorlyq tanytqanyn baıan etedi. Sondyqtan da batys zert­teý­shileri «qorapta» ómir súr­gen shaıyrǵa renjip te jatady.

«Láıli» sózi arab tilinde «tún» degen uǵymdy bildirse, Májnúndi túnge ǵashyq bolyp esinen aýysqan aýysh dep sýretteıdi. Rasynda, «Láıli» uǵymy ǵasyrlar boıy jumbaq qalpynda oqyr­mandardyń kóńi­lin buryp, dastandarǵa arqaý bolyp keledi. Shyǵys shaıyr­larynyń «Láıli men Májnún» dastanyn ózinshe jazbaǵany kemde-kem. Osydan-aq biz tarqatqan uǵymnyń sheksizdigin saralaýǵa bolady.