TARAZ. 6 mamyr. Aldaǵy ýaqytta Taraz memlekettik pedagogıkalyq ınstıtýtynda Qazaqstan halqy Assambleıasy kafedrasy ashylmaq. Sonymen qatar, joǵary oqý ornynda Qazaqstan halqy Assambleıasynyń 20 jyldyǵyna oraı uıymdastyrylǵan «Birligi myqty el ozady» atty óner festıvaliniń gala-konserti ótti. Bul týraly egemen.kz tilshisi habarlady.
«Memleketimizde turyp jatqan kóptegen ulttar men dıasporalar osy ýaqyt ishinde yntymaǵy jarasyp, tatýlyq besiginde terbelip keledi. Ras, qazaq halqy tarıhtyń jazýymenen elimizge kirikken kóptegen ulttarǵa baýyrmaldyq tanytyp qana qoıǵan joq, olarǵa barynsha demeý bolyp, qoldaý kórsetti. Bizdiń oqý ornymyzda 10-nan astam ulttyń ókilderi sapaly bilim, sanaly tárbıe alýda. «Baılyq – baılyq emes, birlik – baılyq» degendeı, rasynda, Qazaqstannyń saıası-áleýmettik damýynda «birlik» kategorııasy eń negizgi qundylyq bolyp tabylady. Endeshe, birligi bekem, yntymaǵy berik elimizdiń asar asýy, shyǵar bıigi kóp bolǵaı!» – dedi TarMPI rektory Darııa Qojamjarova.
Osy oqý ornynyń uıytqy bolýymen stýdentter men Jambyl oblysy óńirindegi ulttyq-mádenı ortalyqtar ókilderiniń qatysýymen óner festıvali uıymdastyrylǵan bolatyn. 3 aıǵa sozylǵan shara qorytyndysy boıynsha túrli nomınasııalarda úzdikter anyqtalyp, marapattaldy. Atap aıtqanda, «Úzdik ulttyq dástúr» atalymy boıynsha Shyǵarmashylyq mamandyqtary fakýltetiniń «Mádenı tynyǵý jumysy jáne horeografııa» kafedrasy, Pedagogıka fakýltetiniń «Arnaıy pedagogıka» kafedrasy laıyq dep tanyldy. Al, «Úzdik ulttyq taǵam» nomınasııasyn Tarıh-geografııa fakýltetiniń «Fılosofııa jáne saıası áleýmettik pánder» kafedrasy, Jaratylystaný ǵylymdary fakýltetiniń «Bıologııa jáne bıologııany oqytý ádistemesi» kafedrasy, Shyǵarmashylyq mamandyqtar fakýltetiniń «Kásiptik oqytý jáne dızaın» kafedrasy qanjyǵalaryna baılady. «Jaratylystaný ǵylymdary fakýltetiniń «Hımııa jáne hımııany oqytý ádistemesi» jáne «Informatıka jáne Esepteý tehnıkasy» kafedralary, Fılologııa fakýltetiniń «Shetel tilderi» kafedrasy «Úzdik ulttyq óner» nomınasııasynda úzdik dep tanyldy.
Merekelik shara sońy Taraz memlekettik pedagogıkalyq ınstıtýtynyń «Jibek joly» halyqtyq-estaradalyq orkestri, «Kóne Taraz» folklorlyq-etnografııalyq jáne «Tomırıs» bı ansamblderiniń, ulttyq-mádenı ortalyqtardyń shyǵarmashylyq ujymdarynyń Gala-konsertine ulasty.
Oralhan Dáýit.
Derek, sýret: egemen.kz.
