Is-sharaǵa QR Qarýly kúshteriniń Bas áskerı-medısınalyq basqarmasy, Ulttyq ǵylymı medısınalyq ortalyǵy, Ulttyq shuǵyl medısınany úılestirý ortalyǵy, Astana medısına ýnıversıteti men basqa da mekemelerden 200-den astam jetekshi medısına mamandary qatysty.
Konferensııa aıasynda elimizdiń jetekshi professorlarynyń qatysýymen plenarlyq jáne jas ǵalymdarǵa arnalǵan posterlik sessııalar ótti.
Jetekshi mamandar ınfeksııalardy dıagnostıkalaýdyń zamanaýı tásilderi jáne aıaq dıabeti sındromyn emdeý ádisteri týraly aıtty. Budan bólek urys qımyly júrip jatqan aımaqta medısınalyq kómekti uıymdastyrýǵa nazar aýdaryldy. Biregeı ınnovasııalyq ádisterdi qoldana otyryp, jaýyngerlik jaraqatty emdeý nátıjeleri talqylandy.
Konferensııaǵa qatysýshylar oqý-jattyǵý jıyny kezinde joǵary medısınalyq oqý oryndarynyń áskerı kafedralary janyndaǵy zapastaǵy medısınalyq qyzmet ofıserlerin oqytý tájirıbesimen bólisip, áskerı qyzmetshilerdiń densaýlyǵyn saqtaý men jaýyngerlik qabiletin qalpyna keltirýdegi áskerı-medısınalyq ońaltýdyń rólin atap ótti.
