Qyzylordalyq kásipkerler reseılik ǵalymnan dáris aldy

QYZYLORDA. 6 mamyr. Qyzylorda oblysynyń kásipkerler palatasynda ekonomıka ǵylymynyń doktory, professor, Reseı prezıdenti janyndaǵy Reseı halyq sharýashylyǵy jáne memlekettik qyzmet akademııasy ǵylymı keńesiniń múshesi Sergeı Kalendjıan «О́kilettilik pen jaýapkershilikti tabystaý arqyly basqarý» taqyrybynda semınar ótkizdi. Bul týraly egemen.kz tilshisi habarlady. Atalmysh sharaǵa shaǵyn jáne orta bıznes pen memlekettik organdardyń ókilderi, sondaı-aq kásiporyndardyń qyzmetkerleri qatysty. Jalpy, kásipkerler palatasy aımaq kásipkerleriniń biliktiligin arttyrýda júıeli jumystar júrgizýde. Atap aıtqanda, osy kezge deıin kásipkerler palatasynyń uıymdastyrýymen «Amanie Advisors» kompanııasynyń TMD boıynsha atqarýshy dırektory, Islam qarjysy salasynda kásibı túrde jumys istep júrgen elimizdegi birden bir maman Edige Alpysbaı «Islamdaǵy «ósim» túsinigi jáne qarjylyq quraldar», Germanııanyń halyqaralyq yntymaqtastyq boıynsha nemis ekonomıkalyq qorynyń baǵdarlamasy aıasynda SES qyzmetinen kelgen ekspert Iýrgen Shtefan Pfaıffer marketıngtik strategııa boıynsha, Almaty Management University birinshi dárejeli bıznes-trenerler Ozat Baıserkeev pen Tatıana Issyk adamı kapıtaldy damytý baǵytynda semınarlar men master-klastar ótkizdi. Erjan Baıtiles. Derek, sýret: egemen.kz.