Aıbyn • 28 Mamyr, 2025

UQShU-ǵa múshe memleketterdiń qaýipsizdigi talqylandy

70 ret

kórsetildi

1 mın

oqý úshin

QR-nyń Qorǵanys mınıstri general-polkovnık Rýslan Jaqsylyqov Bishkekte ótken Ujymdyq qaýipsizdik týraly shart uıymy Qorǵanys mınıstrleri keńesiniń otyrysyna qatysty. Sonymen qosa, atalǵan otyrysqa UQShU qorǵanys vedomstvolarynyń basshylary, Uıymnyń Bas hatshysy Imanǵalı Tasmaǵambetov jáne Birikken shtab bastyǵy general-polkovnık Andreı Serdıýkov qatysyp, uıymnyń jaýapkershilik aımaǵyndaǵy áskerı-saıası jaǵdaıdy, onyń memleketterdiń qaýipsizdigine áserin talqylady, dep habarlaıdy Egemen.kz.

Shyńǵys MUQAEV

UQShU-ǵa múshe memleketterdiń qaýipsizdigi talqylandy

Fotolar: QR Qorǵanys mınıstrligi

Otyrysqa qatysýshylar sonymen birge UQShU ujymdyq kúshterin basqarýdy uıymdastyrýdy jetildirýge baǵyttalǵan qujattardy qarady.

Qorǵanys vedomstvolarynyń basshylary 2026-2030 jyldarǵa arnalǵan áskerı yntymaqtastyqty damytý josparyn kelisti, bul qujat Uıymnyń áskerı quramdas bóligin nyǵaıtýǵa baǵyttalǵan úılestirilgen uıymdastyrýshylyq, tehnıkalyq jáne praktıkalyq is-sharalardy iske asyrý maqsatynda ázirlengen.

Budan bólek UQShU Qorǵanys mınıstrleri keńesiniń sheshimimen UQShU Ujymdyq qaýipsizdik júıesiniń kúshteri men quraldaryn basqarý organdary men quralymdaryn birlesip daıarlaýdyń 2026 jylǵa arnalǵan jospary bekitildi.

QR Qorǵanys mınıstrliginiń baspasóz qyzmetiniń málimdeýinshe, otyrys aıasynda UQShU Qorǵanys mınıstrleri keńesine qatysýshylardy Qyrǵyzstan Respýblıkasynyń Prezıdenti Sadyr Japarov qabyldady. Kezdesý barysynda memleket basshysy Qyrǵyzstannyń tóraǵalyǵy kezinde Uıymdy damytýǵa degen kózqarasymen bólisip, qaýipsizdikti nyǵaıtý, múshe elder arasyndaǵy ózara is-qımyldy keńeıtý jáne ujymdyq qorǵanys tetikteriniń tıimdiligin arttyrý basymdyqtaryna toqtaldy.

Sol kúni qatysýshy memleketter qorǵanys vedomstvolarynyń basshylary Jeńis alańyndaǵy Máńgilik alaýǵa gúl shoqtaryn qoıyp, ekinshi dúnıejúzilik soǵysynyń batyrlaryna taǵzym etti.