Is-sharaǵa álemniń 70-ten astam el ókilderi qatysyp jatyr. Forým «Aqyl-oılardy biriktire otyryp, bolashaqty qalyptastyrý» taqyrybymen ótýde. Qonaqtar qatarynda delegasııa basshylary men kompanııa jetekshileri, olardy ertken tulǵalar jáne sheteldik BAQ-tyń 100-den astam jýrnalısi bar.
«Barshańyzben Astana halyqaralyq forýmynda júzdeskenime qýanyshtymyn! Búgingi basqosýǵa shetel úkimetteriniń basshylary, dıplomatııa, bıznes jáne akademııalyq ortadaǵy dostarymyz ben áriptesterimiz qatysyp otyr. Mártebeli meımandarymyzǵa, atap aıtqanda, Rýanda Prezıdenti Pol Kagamege jáne Soltústik Makedonııa Prezıdenti Gordana Sılıanovska-Davkovaǵa, Eýropa Keńesiniń Bas hatshysy Alen Bersege, BUU-nyń burynǵy Bas hatshysy Pan Gı Mýnǵa, Birikken Ulttar Uıymy júıesiniń jetekshilerine, forýmnyń ózge de qatysýshylaryna shynaıy rızashylyǵymdy bildiremin», dedi Memleket basshysy Qasym-Jomart Toqaev.
Aıta keteıik forýmda spıker retinde Rýanda Prezıdenti Pol Kagame men Jasyl ósim jónindegi jahandyq ınstıtýttyń tóraǵasy Pan Gı Mýn sóz sóıleıdi.
