foto: mail.kz
Aıta keteıik, jobanyń basty maqsaty – qazaqstandyq aýyl sharýashylyǵy óndirýshilerine Eýropa men ózge de óńirler naryǵyna shyǵýǵa jol ashatyn senimdi logıstıkalyq ári kapıtal tartý platformasyn qurý. Eksportqa usynylatyn ónimderdiń qatarynda – astyq, et, ósimdik maılary, burshaq tuqymdastar, sút ónimderi, qurǵaq jemis, kókónis pen jemis pıýresi bar. Saýda baǵytyna Eýroodaq, Reseı, TMD elderi, Qytaı, Ońtústik-Shyǵys Azııa, Parsy shyǵanaǵy men AQSh kiredi.
Talqylaý barysynda Túrkistan oblysynda «AGRIQA Azııa» JShS júzege asyratyn «Shardara eksportqa baǵyttalǵan agroónerkásiptik klasteri» jobasy erekshe nazarǵa ilikti. 2024–2028 jyldar aralyǵynda bul bastamaǵa €200 mln ınvestısııa tartý josparlanǵan. Joba aıasynda 22 gektar jylyjaı kesheni, jemis-jıdek óńdeý zaýyty, jońyshqany túıirshikteý óndirisi men qyzanaq zaýyty salynady. Sondaı-aq, 8000 gektar sýarmaly jer ıgerilip, agrarlyq qurylym keńeıtiledi.
«El Úkimeti ınvestısııalyq jobalardy tabysty iske asyrýǵa yqpal etetin ońtaıly jaǵdaı jasaýǵa bar kúshin salýda. Biz agroónerkásiptik keshendi damytýǵa arnalǵan Qazaqstan-Italııa ınvestısııalyq qoryn qurý bastamasyn qoldaýǵa tolyq daıynbyz. Bul joba eksporttyq áleýetti arttyrý men ekonomıkalyq baılanysty nyǵaıtýda aıtarlyqtaı yntalandyrý bolmaq. Bizdiń yntymaqtastyǵymyz ózara tıimdilik pen strategııalyq senimge negizdelgen jemisti halyqaralyq áriptestiktiń jarqyn úlgisi bolatynyna senimdimin», dedi Serik Jumanǵarın.
Serik Jumanǵarın QR Saýda jáne ıntegrasııa mınıstrligine birlesken jobalardy pysyqtaý jáne iske asyrý maqsatynda qazaqstandyq jáne ıtalıandyq kásipkerlerdi biriktiretin saýda-ekonomıkalyq mıssııany jedeldetip uıymdastyrý jóninde tapsyrma berdi.
Damıra TО́LEGEN
EUÝ stýdenti
