foto:ashyq derekkóz
Mınıstrdiń habarlaýynsha, 2023 jyldyń qorytyndysy boıynsha Qazaqstanda otandyq farmasevtıkalyq ónim óndirisi 21,8%-ǵa artyp, 171,6 mlrd teńgeni quraǵan. Bul kórsetkish saladaǵy sheteldik jobalardy jergilikti kásiporyndarda júzege asyrý baǵytyndaǵy júıeli jumystardyń nátıjesi.
Is-sharada taraptar densaýlyq saqtaý jáne farmasevtıka baǵytynda yntymaqtastyqty kúsheıtýge baǵyttalǵan kelisimder men memorandýmdarǵa qol qoıdy. Forýmǵa memlekettik organdar, halyqaralyq uıymdar, jetekshi farmkompanııalar men eki eldiń medısınalyq JOO ókilderi qatysty.
Aqmaral Álnazarovanyń aıtýynsha, 2024 jyly densaýlyq saqtaý salasyna $920 mln ınvestısııa tartylǵan, onyń $330 mln-y — jeke sektorǵa tıesili. Sheteldik ınvestorlarǵa salyqtyq jáne kedendik jeńildikter, jobalyq súıemeldeý, memlekettik qorǵaý kepildikteri usynylady.
Sonymen qatar, mınıstrlik uzaq merzimdi kelisimder jasaýdyń jańa tártibin ázirlep jatyr. Budan bylaı dári-dármekke degen qajettilik tek ýákiletti organ arqyly aıqyndalady. Sondaı-aq, túpnusqalyq preparattardy óndirýge yntalandyrý sharalary engizilgen.
Búginde Pfizer, AstraZeneca jáne Hoffmann-La Roche sekildi halyqaralyq kompanııalarmen 30 mlrd teńge kólemindegi jobalar aıasynda tórt túpnusqalyq dári óndirilip jatyr.
«Biz úshin ınvestısııanyń kólemi ǵana emes, onyń sapasy, turaqtylyǵy men ınnovasııalyq sıpaty mańyzdy. Qazaqstan medısınalyq ınnovasııalar men medısınalyq qyzmetter eksporty boıynsha óńirlik habqa aınalýdy kózdeıdi. Biz usynystarǵa ashyqpyz, alǵashqy kelissózderden bastap naqty kelisimderge deıin barlyq deńgeıde dıalog júrgizýge daıynbyz», dedi forým barysynda Densaýlyq saqtaý mınıstri Aqmaral Álnazarova.
Damıra TО́LEGEN
EUÝ stýdenti
