Foto: ashyq derekkóz
Onyń aıtýynsha, qazirgi tańda elimizde Talgo tıpindegi 732 vagon 14 baǵytta jolaýshy tasymalyn qamtamasyz etip otyr. Alaıda 2023 jyldan bastap bul vagondardy Qazaqstanda shyǵarý toqtatylǵan.
«Talgo vagondaryn shyǵaratyn zaýyt satylyp ketti. Qazir onyń ornynda shveısarııalyq Stadler kompanııasynyń vagondary óndirilip jatyr. Sondyqtan jańasyn satyp alý josparda joq. Qoldanystaǵy vagondar paıdalaný merzimi aıaqtalǵan soń shyǵarylymnan alynady», dedi Taıjanov.
Komıtet basshysy budan bylaı basymdyq otandyq óndirýshilerge beriletinin aıtty. Qazirgi ýaqytta Qazaqstanda eki zaýyt jumys isteıdi: ZIKSTO (ZIG-100) jáne Stadler Kazakhstan. Bul kásiporyndar ishki naryqty jańa temirjol quramdarymen qamtamasyz ete bastady.
Janel TО́LEÝBEKOVA, EUÝ stýdenti
