foto: ashyq derekkóz
EKAZENT Management – saýda jáne aýtlet ortalyqtaryn basqarý boıynsha tolyq qyzmetter keshenin usynatyn, Avstrııadaǵy jyljymaıtyn múlik naryǵynyń jetekshi kompanııalarynyń biri.
Kezdesý barysynda yntymaqtastyq baǵyttary qarastyryldy. Atap aıtqanda, Almaty oblysynda aýtlet ortalyǵyn salý jónindegi ınvestısııalyq jobanyń iske asý múmkindikteri sóz boldy. Bul joba óńirdiń saýda jáne týrıstik tartymdylyǵyn arttyrýǵa baǵyttalǵan. Jáne tek Qazaqstannan ǵana emes, sondaı-aq kórshiles elderden de keletin satyp alýshylardy tartýǵa múmkindik beredi.
Jobany iske asyrý shaǵyn jáne orta bıznesti damytýǵa, ınvestısııa tartýǵa jáne taýar aınalymyn ulǵaıtýǵa serpin beredi.
Taraptar Qazaqstanda zamanaýı kommersııalyq jobalardy, sonyń ishinde damyǵan logıstıkalyq ınfraqurylymmen qamtylǵan nysandardy júzege asyrý úshin qolaıly jaǵdaılar jasalǵanyn atap ótti. Sondaı-aq, eldiń týrıstik áleýeti men Qytaı, Reseı jáne Ortalyq Azııa elderine jaqyn ornalasýy Qazaqstan naryǵyn anaǵurlym tartymdy etip otyrǵany aıtyldy.
Kezdesý sońynda qatysýshylar jobany naqty iske asyrýǵa ázir ekendikterin bildirdi.
Damıra TО́LEGEN
EUÝ stýdenti
