Foto: Oqý-aǵartý mınıstrligi
Atap aıtsaq, balalardy jalǵan tirkeý arqyly qatysý kórsetkishterin jasandy túrde kóbeıtip kórsetý, 164 seksııada sabaqtardyń sanıtarlyq talaptarǵa saı kelmeıtin páterlerde, jertólelerde jáne turǵyn úı-jaılarda ótkizilýi, 6 óńirde buryn sottalǵan adamdardyń balalardy oqytýy boıynsha 20 jaǵdaıdyń tirkelýi, sondaı-aq júıede tirkelgenimen, naqty sabaqqa qatyspaǵan 8 myńnan astam balanyń anyqtalýy. Bul faktiler alaıaqtyqtyń, jalǵan esep júrgizýdiń jáne bıýdjet qarajatyn jymqyrýdyń oryn alý yqtımaldyǵyn kórsetedi.
Osyǵan baılanysty, balalar úshin qaýipsiz ári sapaly jaǵdaı jasaý jáne qarjylandyrýdyń ashyqtyǵyn qamtamasyz etý maqsatynda 2025 jylǵy 1 maýsymnan bastap Astana, Shymkent, Qaraǵandy, Qyzylorda, Atyraý jáne Aqtóbe qalalarynda jańa biryńǵaı vaýcher júıesi pılottyq túrde engiziledi.Osyǵan baılanysty, balalar úshin qaýipsiz ári sapaly jaǵdaı jasaý jáne qarjylandyrýdyń ashyqtyǵyn qamtamasyz etý maqsatynda 2025 jylǵy 1 maýsymnan bastap Astana, Shymkent, Qaraǵandy, Qyzylorda, Atyraý jáne Aqtóbe qalalarynda jańa biryńǵaı vaýcher júıesi pılottyq túrde engiziledi.
«Jańa júıeniń basty qaǵıdaty – vaýcher bilim berý uıymyna emes, tikeleı balaǵa beriledi. Bul balanyń sport, óner jáne bilim berý baǵyttary arasynda erkin aýysýyna múmkindik beredi jáne burynǵydaı qaıta kezekke turý nemese qarjylandyrýdan aıyrylyp qalý jaǵdaılaryn boldyrmaıdy. Platformany ázirleý barysynda ár óńirdiń ereksheligi men shyǵarmashylyq, sporttyq jáne bilim berý qyzmetterinindegi aıyrmashylyqtar eskeriletin bolady», delingen habarlamada.
Vaýcherdiń eki túri qarastyrylǵan:
- Nysanaly vaýcher – memlekettik mekemelerge arnalǵan, kezeksiz beriledi;
- Ámbebap vaýcher – eGov.kz portaly arqyly ata-analar tańdaıtyn jekemenshik nemese memlekettik emes uıymdarǵa arnalǵan. Munda kezek balanyń jasy men áleýmettik mártebesine baılanysty qalyptasady.
Aıta keteıik jańa júıede qaýipsizdik pen sapaǵa erekshe nazar aýdarylǵan. Úıirmeler men seksııalar sanıtarlyq jáne órtke qarsy normalarǵa saı bolýy, bekitilgen baǵdarlamalarmen jumys isteýi jáne bilikti mamandardy tartýy mindetti. Balalardyń qatysýy sıfrlyq túrde kún saıyn tirkeledi, al qarjylandyrýdyń ashyqtyǵy arnaıy platforma arqyly baqylanady.
Pılottyq jobany Mádenıet jáne aqparat mınıstrligi, Týrızm jáne sport mınıstrligi – sporttyq seksııalar, Oqý-aǵartý mınıstrligi, jáne Sıfrlyq damý mınıstrligi birlese otyryp júzege asyrady.
Bul reforma balalardyń múddesin qorǵaýǵa, qyzmet sapasyn arttyrýǵa jáne bıýdjet qarjysynyń tıimdi ári ádiletti bólinýine baǵyttalǵan. Eger pılottyq joba sátti júzege assa, bolashaqta bul júıe búkil el aýmaǵynda qoldanysqa engizilýi múmkin.
