Foto: egemen.kz|Erlan Omar
Bul týraly Oqý-aǵartý mınıstrliginiń ókilderi Balalardy qorǵaý kúnine oraılastyrylǵan Ortalyq kommýnıkasııalar qyzmetinde ótken dóńgelek ústelde málimdedi.
Osy baǵyttaǵy jumys Bala quqyqtary jónindegi ýákil, Parlament depýtattary jáne azamattyq qoǵam ókilderiniń belsendi qatysýymen júrgizilip jatyr.
«Bul memlekettiń, ata-analardyń, pedagogterdiń, dárigerlerdiń, áleýmettik qyzmetter men ÚEU ókilderiniń kúsh-jigerin biriktiretin Qazaqstandaǵy alǵashqy keshendi baǵdarlama bolady. Qazir biz balalyq shaqty qorǵaý salasynda jasalǵan barlyq isti - normatıvtik qujattardan bastap naqty jaǵdaılarǵa deıin - neniń tıimdi ekenin jáne qaı tustaryn qaıta qaraýdy qajet etetinin túsiný úshin muqııat taldap jatyrmyz. Sondaı-aq statıstıkany zertteımiz, sebebi árbir sannyń artynda balanyń taǵdyry tur», dedi Oqý-aǵartý vıse-mınıstri Edil Ospan.
