Qazaqstan Respýblıkasynyń Saýda jáne ıntegrasııa mınıstri Arman Shaqqalıev «Ortalyq Azııa – Qytaı» formatyndaǵy ekonomıka jáne saýda mınıstrleriniń 2-shi kezdesýiniń otyrysyn ashty. Ortalyq Azııanyń ózge elderiniń delegasııalaryn Qyrǵyz Respýblıkasynyń Ekonomıka jáne kommersııa mınıstri Baqyt Sydykov, Tájikstan Respýblıkasynyń Ekonomıkalyq damý jáne saýda birinshi vıse-mınıstri Ashýrboı Solehzoda, Túrikmenstannyń Saýda jáne syrtqy ekonomıkalyq baılanystar mınıstriniń mindetin atqarýshy Kerımberdı Kýrbanov, О́zbekstan Respýblıkasynyń Investısııalar, ónerkásip jáne saýda vıse-mınıstri Hýrram Teshabaev basqardy. Qytaı Halyq Respýblıkasynyń delegasııasyn Saýda vıse-mınıstri, halyqaralyq saýda kelissózderindegi Qytaı ókiliniń orynbasary Lın Szı basqardy.
Bul kezdesý «Ortalyq Azııa – Qytaı» formatynyń salalyq býyny bolyp tabylady jáne bıylǵy jyldyń maýsym aıynda Astanada ótetin «Ortalyq Azııa – Qytaı» ekinshi Sammıtine daıyndyq retinde uıymdastyrylyp otyr. Kezdesý alty eldiń saýda-ekonomıkalyq yntymaqtastyǵyn keńeıtý jáne ekonomıkalyq damýyna járdemdesýmaqsatynda turaqty negizde ótkiziledi.
«Ortalyq Azııa – Qytaı» formatyndaǵy Ekonomıka jáne saýda mınıstrleriniń kezdesýinde taraptar óz úkimetteriniń saýda-ekonomıkalyq yntymaqtastyqty tereńdetý, ınvestısııalyq yntymaqtastyqty damytý, Ortalyq Azııa elderi men Qytaı Halyq Respýblıkasy arasyndaǵy «jasyl» mıneraldar boıynsha ózara is-qımyldy damytý jónindegi basymdyqtary týraly pikir almasty. Sondaı-aq kópjaqty saýda júıesin qoldaý máselesi boıynsha óz ustanymdaryn bildirdi.
Taraptar sondaı-aq aldaǵy «Ortalyq Azııa – Qytaı» Sammıti aıasynda qol qoıý josparlanǵan kelesi qujattardy maquldady:
- «Ortalyq Azııa – Qytaı» formatynda erkin saýdany damytý salasyndaǵy yntymaqtastyqty tereńdetý týraly ózara túsinistikjónindegi memorandým;
- «Ortalyq Azııa – Qytaı» formatyndaǵy ekonomıka jáne saýdamınıstrlikteri arasyndaǵy saýda-ekonomıkalyq yntymaqtastyqtynyǵaıtý jónindegi is-qımyl jospary;
- «Jasyl» mıneraldar salasyndaǵy ınvestısııalyqyntymaqtastyqty nyǵaıtý jónindegi «Ortalyq Azııa – Qytaı» formatyndaǵy memorandým.
Sonymen qatar, «Ortalyq Azııa – Qytaı» formatyndaǵy ekonomıka jáne saýda mınıstrleriniń ekinshi kezdesýiniń Qorytyndy qujaty qabyldandy.
Kezdesý qorytyndysy boıynsha taraptar bul kezdesýdiń nátıjeli ótkenin atap ótip, kezdesýde qol jetkizilgen ýaǵdalastyqtardy jedel iskeasyrýǵa shaqyrdy.
2024 jyly Qazaqstan men Ortalyq Azııa elderi arasyndaǵy taýar aınalymy 7,6 mlrd AQSh dollaryn qurady.
2024 jyly Qazaqstan men Qytaı arasyndaǵy taýar aınalymy 30,1 mlrd AQSh dollaryn qurady.
