Ár mektepke polısııa qyzmetkerleri bekitilip, ár óńirde balalarǵa qatysty zorlyq-zombylyq faktilerine birlesip den qoıý boıynsha vedomstvoaralyq mobıldi toptar quryldy.
2025 jyly mektepter men kolledjderde ár túrli ákimshilik jáne qylmystyq quqyq buzýshylyqtar úshin jaýaptylyq týraly 50 myńnan astam dárister men áńgimeler ótkizildi. Respýblıka boıynsha «Jasóspirim» jedel-aldyn alý is-sharasy ótkizildi, onyń sheńberinde 26 myń ákimshilik quqyq buzýshylyq anyqtaldy. Balalardyń ómiri men densaýlyǵyna qaýip tóndiretin 4 myńnan astam ınternet-resýrstar buǵattaldy.
Zańnamany jetildirýge erekshe kóńil bólinedi. Osylaısha, otbasylyq-turmystyq zorlyq-zombylyqqa qarsy is-qımyl boıynsha qabyldanǵan zań sheńberinde kámeletke tolmaǵandardy zorlaǵany úshin tek qana ómir boıyna bas bostandyǵynan aıyrý qarastyryldy, al býllıng úshin jeke ákimshilik bap engizildi. Sondaı-aq, balalarǵa qatysty zorlyq-zombylyq týraly ister boıynsha tatýlasý múmkindigi alynyp tastaldy, uryp-soǵý, azaptaý jáne densaýlyqqa zııan keltirgeni úshin jazalar kúsheıtildi, 16 jasqa tolmaǵan adamdarǵa jynystyq sıpattaǵy zorlyq-zombylyq jasaǵany jáne óz-ózine qol jumsaýdy nasıhattaǵany úshin qylmystyq jaýaptylyq engizildi.
Memleket túbegeıli ustanymdy kórsetedi: balanyń qaýipsizdigi – ymyralasýǵa kelmeıtin sózsiz basymdyq.
Memleket basshysynyń Ulttyq quryltaıdyń IV otyrysynda aıtylǵan tapsyrmasy boıynsha bala quqyqtaryn qorǵaý jónindegi barlyq sharalardy biriktiretin 2026-2030 jyldarǵa arnalǵan «Qazaqstan balalary» biryńǵaı baǵdarlamasy ázirlenýde. Jumysty Oqý-aǵartý mınıstrligi beıindi vedomstvolarmen, Parlamentpen jáne Bala quqyqtary jónindegi ýákilmen birlesip júrgizedi.
Osy baǵdarlama boıynsha usynystar ázirleýge «AMANAT» partııasy janyndaǵy Otbasy jáne halyqty áleýmettik qorǵaý máseleleri jónindegi respýblıkalyq keńestiń músheleri, sarapshylar, ÚEU, múddeli memlekettik organdardyń ókilderi qatysatynyn atap ótken jón.
«Qazaqstan balalary» biryńǵaı baǵdarlamasy – bul teń múmkindikterge, árbir balany erte qoldaýǵa jáne qorǵaýǵa baǵyttalǵan balalardyń múddesi úshin turaqty memlekettik saıasattyń negizi.
Balalar arasynda qaýipsizdik mádenıetin qalyptastyrý – TJM júıeli túrde júzege asyratyn mańyzdy mindet. «Birtutas tárbıe» jobasy aıasynda 870 myńnan astam oqýshy qamtyldy, evakýasııalaý boıynsha turaqty jattyǵýlar, kadet synyptarymen sabaqtar jáne búkil el boıynsha 2500-den astam «Jas qutqarýshy» úıirmeleriniń jumysy júrgizilýde.
Jazǵy kezeńde sý qaýipsizdigine erekshe nazar aýdarylady: tek 2025 jyly ǵana qutqarý bólimsheleriniń qyzmetkerleri 5 myńnan astam balany júzýge úıretti, sondaı-aq sýda qutqarý jáne sýǵa batqandarǵa alǵashqy kómek kórsetý daǵdylary boıynsha 43 myńnan astam oqýshyny qamtı otyryp, 651 praktıkalyq sabaq ótkizdi.
Sonymen qatar, balalar lagerleriniń muǵalimderi men qyzmetkerlerin tótenshe jaǵdaılar kezindegi is-qımyldarǵa daıarlaý baǵdarlamalary iske asyrylýda.
Mundaı tásil táýekelderge daıyndyq deńgeıin arttyryp qana qoımaı, sonymen qatar balalarda jaýapkershilik pen ózara kómek sezimine tárbıeleıdi.
