Maýsym aıynda salqyn jáne ystyq aýa raıy almasyp otyrady, keı kúnderi naızaǵaıly, burshaqty, ekpindi jelmen birge jaýyn-shashyn bolady. Keı kúnderi shańdy daýyldar kútiledi.
«Maýsym aıynyń birinshi onkúndiginde Qazaqstannyń barlyq óńirlerinde joǵary temperatýra fony aıasynda jıi naızaǵaıly qysqa merzimdi jańbyrlar boljanady. Tek keı kúnderi tropıkalyq aýa massalarynyń ornyna salqyndaý atlantıkalyq aýa kelgende ystyq báseńdeıdi. Mysaly, birinshi onkúndikte respýblıkanyń batysynda túngi temperatýra +17…+22°S-tan +7…+12°S-qa deıin, kúndiz +27…+32°S-tan +20…+25°S-qa deıin tómendeıdi. Atyraý, Mańǵystaý, Aqtóbe, Qostanaı jáne Ulytaý oblystarynda túnde +18…+28°S-tan +12…+23°S-qa deıin, kúndiz +30…+38°S-tan +20…+30°S-qa deıin tómendeıdi, alaıda onkúndiktiń sońynda kúndizgi temperatýra qaıtadan +25…+32°S-qa deıin kóteriledi», dep habarlaıdy sınoptıkter.
Soltústik jáne ortalyq óńir turǵyndary úshin de ystyqtyń báseńdeýi birinshi onkúndiktiń ortasynda kútiledi: túngi temperatýra +10…+15°S, soltústiktiń eń shetinde +7°S-tan +15…+20°S-qa deıin, kúndiz +25…+30°S-tan +18…+25°S-qa deıin aýytqıdy.
Respýblıkanyń shyǵysynda onkúndiktiń kóp bóliginde túngi temperatýra +10…+15°S shamasynda, ońtústiginde +20°S-qa deıin, kúndiz +22…+30°S, ońtústikte ystyq +35°S-qa deıin, birinshi onkúndiktiń sońynda, ekinshi onkúndiktiń basynda kún salqyndaı túsedi.
Ońtústikte jáne Jambyl oblysynda túnde de ystyq saqtalady, termometr kórsetkishteri +20…+28°S-qa deıin, kúndiz +35…+43°S-qa deıin kóteriledi, alaıda birinshi onkúndiktiń sońynda aýa temperatýrasy azdap tómendep, kúndiz +28…+33°S shamasynda bolady.
Respýblıkanyń ońtústik-shyǵysynda, Almaty jáne Jetisý oblystarynda túngi aýa temperatýrasy birtindep +10…+15°S-tan +15…+20°S-qa deıin, kúndiz +20…+25°S-tan +30…+35°S-qa deıin kóteriledi, taýly aımaqtarda túnde +2…+7°S-tan +7…+12°S-qa deıin, kúndiz +10…+15°S-tan +20…+25°S-qa deıin, onkúndiktiń ekinshi jartysynda kúndiz +25…+30°S kútiledi.
«Maýsym aıynyń ekinshi jáne úshinshi onkúndikterinde elimizdiń batysynda, ońtústiginde, ońtústik-shyǵysynda aýa temperatýrasy +33…+40°S-qa deıin, al ońtústik-batys pen ońtústiktiń eń shetki bólikterinde +43°S-qa deıin kóteriledi, salqyndaý kúnderi +22…+27°S-qa deıin tómendeıdi. Soltústikte, ortalyqta jáne shyǵysta túngi temperatýra +15…+23°S-tan +2…+10°S-qa deıin, kúndiz +25…+38°S-tan +15…+27°S-qa deıin aýytqıdy», dep habarlady «Qazgıdromet».
