Balalar • 02 Maýsym, 2025

«Qazaqstan balalary» onkúndigine 5 mıllıonnan astam bala qatysqan

81 ret

kórsetildi

1 mın

oqý úshin

Halyqaralyq balalardy qorǵaý kúni qarsańynda elimizde alǵash ret keń aýqymdy «Qazaqstan balalary» atty onkúndigi ótip, aptanyń ár kúni balalyq shaqtyń mańyzdy taqyryptaryna – qaýipsizdik, shyǵarmashylyq, bilim berý jáne taǵy basqa salalarǵa arnaldy. Onkúndik Oqý-aǵartý mınıstrligi men ortalyq memlekettik jáne jergilikti atqarýshy organdardyń birlesip uıymdastyrýymen ótkizildi, dep habarlaıdy Egemen.kz atalǵan mınıstrliktiń sholý aqparatyna silteme jasap.

Shyńǵys MUQAEV

«Qazaqstan balalary» onkúndigine 5 mıllıonnan astam bala qatysqan

Foto: ORTCOM.KZ

Elimiz boıynsha uıymdastyrylǵan jalpy 45 myńnan astam túrli is-sharalarǵa 5,6 mıllıonnan astam bala qatysqan.

Balalar taqyrybyna arnalǵan 2 myńnan astam materıal respýblıkalyq jáne óńirlik telearnalar men basylymdarda jarııalanǵan. Kóptegen balalar jańalyqtar men baǵdarlamalardyń keıipkerleri, júrgizýshileri men qonaqtary boldy. Áleýmettik jelilerde #Qazaqstanbalalary heshtegimen 100 myńǵa jýyq jazba jarııalanǵan.

Onkúndiktiń jarqyn sátteriniń biri – balalardyń Aqordaǵa, Oqý-aǵartý mınıstrligine ekskýrsııasy men «Mınıstrge hat» aksııasy boldy.

Barlyq óńirde balalar men ákimder, ákim orynbasarlary arasynda kezdesýler ótti. Aýyldar men qalalarda mádenı, bilim berý jáne qaıyrymdylyq sharalary uıymdastyrylyp, festıvalder, sheberlik saǵattary, ashyq sabaqtar, kınoteatrlarda, teatrlar men murajaılarda tegin kórsetilimder ótti. Jańa bilim berý nysandary paıdalanýǵa berildi.