Mádenıet • 03 Maýsym, 2025

Almatyda Qytaı Ulttyq mýzeıi jaýharlarynyń kórmesi ótedi

60 ret

kórsetildi

1 mın

oqý úshin

5 maýsym kúni Ábilhan Qasteev atyndaǵy QR Memlekettik óner mýzeıinde Qytaı mádenıetiniń injý-marjandaryna arnalǵan biregeı kórme ashylady. «Qytaı óneriniń oı-maqsattary – Qytaı Ulttyq kórkemóner mýzeıiniń jaýharlary» atty bul kórmede Qytaıdyń HH–HHI ǵasyrdaǵy belgili sýretshileriniń 50-ge jýyq týyndysy kópshilik nazaryna usynylady, dep habarlaıdy Egemen.kz.

Qyrmyzy JUMAǴALIQYZY

Almatyda Qytaı Ulttyq mýzeıi jaýharlarynyń kórmesi ótedi

Foto: QR Mádenıet jáne aqparat mınıstrligi

QR Mádenıet jáne aqparat mınıstrliginiń habarlaýynsha, ekspozısııa keskindeme, grafıka jáne músin óneriniń túrli janrlaryn qamtıdy. Avtorlar dástúrli Sıeıı (erkin beıneleý) stıliniń negizinde stıl, tehnıka jáne materıal erekshelikteri arqyly týyndylardyń tek syrtqy formasyn emes, ishki rýhanı mazmunyn da tereń ashýǵa tyrysqan.

Aıta keteıik, 2018 jyly Qasteev mýzeıi Jibek joly boıyndaǵy mýzeıler men galereıalardyń Halyqaralyq alıansyna qosylǵan bolatyn. Bul bastama Qytaı Ulttyq mýzeıiniń qoldaýymen iske asyp, qatysýshy elder arasynda shyǵarmashylyq baılanysty keńeıtýge sebep boldy.

Kórme Qytaıdyń zamanaýı ónerin tereńirek túsinip, onyń mádenı bolmysymen jaqyn tanysýǵa jol ashady.