Foto: Sý resýrstary jáne ırrıgasııa mınıstrligi
Sonymen qatar Sarysý jáne Talas aýdandaryndaǵy tabıǵı jaıylymdarǵa da sý barǵan.
Jergilikti ekojúıeni saqtaý jumystary sýarý maýsymy bastalmaı turyp júrgizilgen. Bastapqyda osy maqsatqa «Oıyq» gıdrotoraby arqyly 120 mln tekshe metr sý jiberý josparlanǵan edi. Alaıda sáýir aıynyń ortasyna qaraı ekologııalyq maqsatta sý jiberýdiń jalpy kólemi 315 mln tekshe metrge jetken.
30 mamyr kúni Sý resýrstary jáne ırrıgasııa mınıstri Nurjan Nurjigitovtiń tapsyrmasy boıynsha Jambyl oblysyndaǵy «Qazsýshar» fılıalynyń mamandary arnaıy tekseris júrgizip, Talas ózeni arqyly jiberilgen sýdyń Sarysý jáne Talas aýdandaryna jetkenine kóz jetkizilgen.
О́z kezeginde jergilikti turǵyndar atqarylǵan jumys úshin Sý resýrstary jáne ırrıgasııa mınıstrligine alǵys bildirip jatyr.
«Bıyl aldyńǵy jyldarǵa qaraǵanda sý qarqyndy keldi. Sý negizgi arnamen ótip, jaıylymdy jerlerge jaıyldy. «Qazsýsharǵa» rızamyz, sonyń jumysynyń nátıjesinde sý jaqsy keldi. Osyndaı kólemde sý jyl saıyn kelip turady dep úmittenemiz», deıdi Shaǵalaly eldi mekeniniń turǵyny Ońlyáshim Dúısenbekov.
