Densaýlyq saqtaý vıse-mınıstri Erjan Nurlybaevtyń aıtýynsha, jańartylǵan tásil aıasynda shekti baǵa qurylymynan birqatar ústemeler, sonyń ishinde marketıngtik, kólik jáne kedendik shyǵyndar alynyp tastalǵan.
«Endi óndirýshiniń zaýyttyq qunyna ǵana biryńǵaı ústeme qoldanylady. Bul jańa model synaqtan ótti. Elimizde tirkelgen barlyq dári-dármektiń baǵasyn 1 shildege deıin qaıta esepteý josparlanyp otyr», dedi Nurlybaev Ortalyq kommýnıkasııalar qyzmetindegi brıfıng aıasynda.
Spıkerdiń aıtýynsha, qazirgi ýaqytta farmasevtıkalyq naryq qatysýshylarymen jańa baǵa júıesin engizý boıynsha belsendi jumys júrip jatyr.
Kútilip otyrǵan nátıjelerge sáıkes, tegin medısınalyq kómektiń kepildik berilgen kólemi (TMKKK) men mindetti áleýmettik medısınalyq saqtandyrý (MÁMS) sheńberinde usynylatyn dári-dármekterdiń baǵasy shamamen 19%-ǵa tómendeıdi, al kóterme jáne bólshek saýda naryǵynda keıbir preparattar 30%-ǵa deıin arzandaýy múmkin.
