Bes kúnge sozylatyn baıraqty básekede Qazaq eli namysyn myna sportshylar qorǵaıdy: Ekaterına Avdeenko (jetisaıys), Vıktorııa An (200 jáne 400 metr, 4h400 metrlik estafeta, 4h400 metrlik aralas estafeta), Iýlııa Bashmanova (100 metr kedergiler arqyly júgirý), Aıana Bolatbekqyzy (1500 metr), Nora Djerýto (3000 metr kedergiler arqyly júgirý), Deızı Djepkemeı (5000 jáne 10000 metr), Nadejda Dýbovıskaıa (bıiktikke sekirý), Marııa Efremova (úsh qarǵyp sekirý), Aleksandra Zalıýbovskaıa (400 metr, 4h400 metrlik eastafeta, 4h400 metrlik aralas estafeta), Adelına Zems (400 metr kedergiler arqyly júgirý, 4h400), Krıstına Kondrashova (4h400 met rlik estafeta, 4h400 metrlik aralas estafeta), Elızaveta Matveeva (bıiktikke sekirý), Anastasııa Rypakova (uzyndyqqa sekirý), Olga Safronova (100 jáne 200 metr, 4h400 metrlik eastfeta, 4h400 metrlik aralas estafeta), Iаsmına Toqsanbaeva (20 shaqyrymdyq sporttyq júris), Antonına Chernyshova (100 metrge kedergiler arqyly júgirý), Alına Chıstıakova (jetisaıys), Anna Shýmılo (4h400 metrlik estafeta), Artýr Gafner (naıza laqtyrý), Davıd Efremov (110 metr kedergiler arqyly júgirý), Vıtalıı Zems (100 jáne 200 metr), Vıacheslav Zems (400 metr kedergiler arqyly júgirý, 4h400 metrlik estafeta, 4h400 metrlik aralas estafeta), Ivan Ivanov (ıadro laqtyrý), Dmıtrıı Koblov (400 metrge kedergiler arqyly júgirý, 4h400 met rlik estafeta, 4h400 metrlik aralas estafeta), Mıhaıl Lıtvın (4h400 metrlik estafeta, 4h400 metrlik aralas estafeta), Elnor Mýhıtdınov (400 metr, 4h400 metrlik estafeta, 4h400 metrlik aralas estafeta), Zelimhan Nasyrov (uzyndyqqa sekirý, úsh qarǵyp sekirý), Andreı Sokolov (4h400 metrlik estafeta, 4h400 metrlik aralas), Efım Tarasov (4h400 metrlik estafeta, 4h400 metrlik aralas estafeta), Almat Tólebaev (100 jáne 200 metr), Maksım Frolovskıı (1500 jáne 5000 metr) jáne Georgıı Sheıko (20 shaqyrymdyq sporttyq júris).
Solardyń arasynan Nora Djerýto 3000 metrge kedergiler arqyly jáne 5000 metrge júgirýde aldyna jan salmady. Deızı Djepkemeı 10000 metrlik qashyqtyqta shashasyna shań juqtyrmady. Bıiktikke sekirge Elızaveta Matveeva kúmispen kúptelse, 20 shaqyrymdyq sporttyq júriste Iаsmın Taqsanbaeva úzdik úshtikti túıindedi. Taǵy bir qolany Deızı Djepkemeı qorjynǵa saldy. Bul medaldi ol kedergiler arqyly júgirýde jeńip aldy. Árıne, 2023 jylǵy Azııa chempıonatyna qaraǵanda osy joly tabysty óner kórsettik. Taı elinde otandastarymyz 1 altyn, 2 kúmis jáne 1 qola medaldi ıelenip, jalpy komandalyq esepte 11 oryndy qanaǵat tutqan edi. Ońtústik Koreıada 3 altyn, 1 kúmis jáne 2 qolany oljalady. Biraq bul kórsetkishke kóńilimiz toldy dep aıta almaımyz. Sebebi, eń kóp júlde jıyntyǵy sarapqa salynatyn sport túrinde nebary alty júlde alýymyz nashan nátıje. Jáne de úsh altyndy da kenııalyq legıonerler alyp berdi. Al sonda óz órenderimiz qaıda? Osy saýalǵa quzyrly organda ne dep jaýap berer eken?...
