Kollajdy jasaǵan – Qonysbaı ShEJIMBAI, «EQ»
AQSh-tyń Kenedı áýejaıynda Djon Smıt esimdi kisi, kezikken adamǵa «Dúnıedegi eń jaman nárse ne?» degen suraq qoıady. Kenet bir monahtyń aldyna kelip:
– Dúnıedegi eń jaman nárse ne? – deıdi suraǵyn qaıtalap.
Sonda monah:
– Sen kimsiń?– deıdi.
– Men – Djon Smıtpin!
– Ol jaı ǵana esimiń ǵoı, sen kimsiń?
– Men jýrnalıspin! – deıdi Djon.
– Ol seniń atqaratyn qyzmetiń ǵoı, sen kimsiń?
– Adammyn!
– Bul seniń bıologııalyq ataýyń ǵoı, sen kimsiń?
Djon únsiz qalady.
– Mine, dúnıedegi eń jaman nárse – ózińniń kim ekenińdi bilmeý, – deıdi monah.
Rasynda, danyshpandardy oıǵa qaldyrǵan biregeı saýal osy. «Men kimmin? Ne istep júrmin? Qaıdan keldim? Qaıda baramyn?»
«Shyndy bilmek oılasań sen,
Aldymenen jandy bil.
Eń kerekti úsh suraqpen,
Jan qulaǵyn qoı burap:
«Keldim qaıdan? Qaıtse paıdam?
О́lgennen soń ne bolam?
«Men» degen – jan, aqyl – aınam,
Joǵala ma sol shyn-aq»,
deıdi Sh.Qudaıberdiuly.
Rasynda, Tolstoı aıtqandaı, «jan úshin súrgen ómir rahat syılaıdy da, tán úshin súrgen ǵumyr azap tartqyzady». Imam Rabbanı «Maktýbat» kitabynda bilimdi ataq pen maqtanǵa jetý úshin izdengen ǵalymnyń tákapparlyǵy artyp, minezi buzylatynyn, al aqıqat maqsatpen izdengen ǵalymnyń adamdyǵy kórkeıetinin jazady. О́zin taný, ózińniń kim ekenińdi bilý adamdyq murat desek, osy murat jolynda kúresken jandardyń irgeli tulǵaǵa aınalǵanyn kóremiz. Demek ál-Farabıdiń pikiri rastyqqa jaqyn. «Kemeldikke umtylý – ómirdiń mánin quraıdy».
