Sýret: dknews.kz
«Power China Chengdu» – jobalaý men ınvestısııalaýdan bastap qurylys pen paıdalanýǵa berýge deıingi tolyq qyzmetter tizbegin usynatyn álemdegi jetekshi kompanııalardyń biri. Búginde «Power China Chengdu» Qazaqstanda birqatar iri jobany júzege asyrdy. Olardyń qatarynda «Moınaq» sý elektr stansasy, «Jańatas» jáne «Shelek» jel elektr stansalary bar. Qazirgi tańda «Hromtaý» jáne «Arqalyq» jel elektr stansalaryn iske qosýǵa daıyndyq júrgizilip jatyr.
Kelissózder barysynda qytaılyq tarap ırrıgasııa jáne sý sharýashylyǵy salalaryndaǵy jobalarǵa qatysýǵa qyzyǵýshylyq tanytty. О́z kezeginde Qanat Bozymbaev eldegi iri ınfraqurylymdyq jobalar týraly aıtyp ótti, olardyń qatarynda Alataý qalasynyń qurylysy men kommýnaldyq jáne energetıkalyq sektorlardy jańǵyrtý jónindegi ulttyq joba bar.
Kadr daıarlaý máselesine de erekshe nazar aýdaryldy. Qanat Bozymbaev taraptardyń birlesken jumysynyń mańyzdy baǵyttarynyń biri retinde Taraz qalasyndaǵy Qazaq ulttyq sý sharýashylyǵy jáne ırrıgasııa ýnıversıtetiniń bazasynda jas mamandardy daıarlaý týraly aıtty.
Kezdesý sońynda taraptar birlesken bastamalardyń áleýetin atap ótip, yntymaqtastyqty odan ári nyǵaıtýǵa ózara nıetterin bildirdi.
