Foto: vıdeodan alynǵan skrın
Kúdiktiler keıinnen kásipkerlik nysandaryn kúshpen basyp alyp, sol jerlerde «qaýipsizdik» qyzmetin júzege asyrǵan. Qylmystyq toptyń 20 múshesi Almaty qalasynda, Jetisý, Túrkistan, Mańǵystaý, Jambyl jáne Almaty oblystarynda qolǵa túsken.
Iske qatysty 40-tan astam tintý júrgizilip, jeti atys qarýy Makarov tapanshasy, Kalashnıkov avtomaty jáne 100-den astam oq-dári tárkilengen.
IIM uıymdasqan qylmysqa qarsy kúres departamentiniń ókili Qýandyq Alpys buzaqylyq, bopsalaý, adam urlaý, óz betinshe bılik júrgizý jáne densaýlyqqa zııan keltirý faktileri boıynsha qylmystyq ister tergelip jatqanyn málimdedi.
«Toptyń jetekshisi men qatysýshylaryna qatysty uıymdasqan qylmystyq top qurý, oǵan basshylyq etý jáne qatysý derekteri boıynsha sotqa deıingi tergeý bastaldy. Fıgýranttardyń basqa da uqsas qylmystarǵa qatysy bar-joǵy tekserilip jatyr», dedi Qýandyq Alpys.
