Foto: almaty_police_department, ınstagram
Ádette, alaıaqtar ózderin logıst nemese tasymaldaýshy retinde tanystyryp, óz qyzmetterin usynyp, aldyn ala tólem alǵan soń, baılanysty úzip ketedi.
Almaty qalasy PD Krımınaldyq polısııa Basqarmasynyń bastyǵy Talant Isaevtyń aıtýynsha kásipkerlerdiń senimin paıdalanatyn turaqty tizbek bar.
«Kóbine qaskóıler tanymal habarlandyrý saıttary arqyly baılanysqa shyǵyp, jalǵan qyzmetter usynady. Azamattardy saq bolýǵa shaqyramyz: beıtanys adamdarǵa tekserýsiz aqsha aýdarmańyzdar, tasymaldaýshylardyń bedelin muqııat tekserip, tek resmı tirkelgen kompanııalarmen kelisimshart jasańyzdar», dedi T.Isaev.
Osy oraıda polısııa keńes beredi:
1. Quqyqtyq túrde rásimdelgen kelisimshartsyz aldyn ala tólem jasamańyz.
2. Qarsy taraptyń telefon nómirin, JSN/BSN, ınternettegi pikirlerdi tekserińiz.
3. Tekserýden ótken, qaýipsiz tólem júıesi bar platformalardy qoldanyńyz.
4. Kúmán týǵan jaǵdaıda, jaqyn mańdaǵy polısııa bólimshesine júginińiz.
