Foto: Aqorda
«Qadirli otandastar!
Barshańyzdy Qurban aıt merekesimen shyn júrekten quttyqtaımyn!
Ulyq meıram qaıyrymdy bolý, ımandylyq pen janashyrlyq sııaqty halqymyzǵa tán biregeı qasıetterdi dáripteıdi.
Prezıdentimiz Qasym-Jomart Kemeluly Toqaev Ulttyq quryltaıda dinniń asa mańyzdy mıssııasy ultty uıystyrý ekenin atap ótti. Bul oraıda Qurban aıt el birligin bekemdep, asyl dinimizdegi rýhanı-adamgershilik qundylyqtardy jańǵyrtýda aıryqsha oryn alady. Aıt kúnderi aǵaıyn-jurt bir-birine ıgi lebizderin bildirip, baýyrmaldyq pen ózara syılastyqtyń shynaıy úlgisin kórsetedi. Kemel keleshektiń kepili retinde beıbitshilik pen tatýlyqtyń mańyzy arta túsedi.
Qasıetti mereke elimizge yrys-nesibesin ala kelsin. Halqymyzdyń nıeti qabyl bolyp, ár shańyraq mol qýanyshqa kenelsin», delingen atalǵan quttyqtaýda.
