Foto: Eńbek jáne halyqty áleýmettik qorǵaý mınıstrligi
Qazirgi ýaqytta 2025-2030 jyldarǵa arnalǵan ınklıýzıvti saıasat tujyrymdamasy, «Amanat» partııasynyń 2023-2027 jyldarǵa arnalǵan jol kartasy jáne Memleket basshysynyń tapsyrmasy boıynsha ázirlengen «Halyqpen birge» jobasy iske asyrylyp jatyr.
«Amanat» partııasynyń jol kartasynda 2023-2027 jyldar aralyǵynda ınteraktıvti qoljetimdilik kartasyna (budan ári – Karta) engizilgen 42 myńnan astam nysandy beıimdeý boıynsha jumys kózdelgen. Jyl saıyn osyndaı obektilerdiń 20%-y beıimdelýi tıis. Osylaısha, 2023 jyly – Kartadaǵy obektilerdiń 20%, 2024 jyly – 40%, 2025 jyly – 60%, 2026 jyly – 80%, 2027 jyly – 100%-y beıimdeledi. Qazirgi ýaqytta el boıynsha 23206 nysan tolyqtaı beıimdelgen.
Búgingi tańda Pavlodar oblysynda 743 nysan beıimdeldi. 2025 jyldyń sońyna deıin taǵy 299 nysandy beıimdeý josparlanyp jatyr.
Beıimdelgen nysandardyń jalpy sanynan múgedektigi bar adamdardyń barlyq sanattary úshin qoljetimdileri:
- densaýlyq saqtaý obektileri – 76;
- bilim berý nysandary – 321;
- mádenıet nysandary – 42;
- memlekettik jáne kvazımemlekettik uıymdar – 173;
- sport nysandary – 87;
- áleýmettik qorǵaý obektileri – 12;
- saýda nysandary menoıyn-saýyq ortalyqtary – 32.
«Múmkindigi shekteýli jandar úshin, emhanalarǵa esh qıyndyqsyz kire alý óte mańyzdy. Bizdiń qalada №3 jáne №4 qalalyq emhanalar men «Moıyldy» shıpajaıy beıimdelgen», dep Pavlodar qalasynyń turǵyny, birinshi toptaǵy múgedektigi bar Erlan Qurmanǵazın oıymen bólisti.
Budan basqa, Pavlodar oblysy boıynsha halyqty áleýmettik qorǵaý salasyndaǵy retteý jáne baqylaý komıtetiniń departamenti 2025 jyldyń basynan bastap profılaktıkalyq baqylaý sheńberinde 6 jáne jospardan tys baqylaý sheńberinde 1 tekserý júrgizdi. Tekserý qorytyndysy boıynsha anyqtalǵan buzýshylyqtardy joıý týraly 7 nusqama engizildi.
Obektilerdiń menshik ıelerine profılaktıkalyq baqylaý júrgizý kezinde buzýshylyqtar alǵash ret anyqtalǵan kezde ákimshilik jaýapkershilikke tartpaı, olardy joıý týraly nusqamalar ǵana engiziletinin atap ótý qajet. Nusqama belgilengen merzimde oryndalmaǵan jaǵdaıda aıyppul salynatyn bolady.
