Atalǵan jıyn barysynda uıymdastyrýshylar álemniń ár qıyrynan jınalǵan 50-den astam memleket sportshylarynyń basyn qosatyn dúbirli dodaǵa daıyndyq jumystary qazirgi kezde qalaı júrip jatqany jaıynda tolyq aqparat berdi.
Qazaqstan Ulttyq Olımpıadalyq komıtetiniń atynan is-sharaǵa bas dırektor Nurlan Nógerbek pen Sport departamentiniń jetekshi menedjeri Aıym Jetibaeva qatysty. Semınar barysynda turaqtaý, kólikpen qamtamasyz etý, logıstıka, akkredıtasııa prosesi, medısınalyq jáne dopıngke qarsy qoldaý máselelerine erekshe nazar aýdaryldy. Sondaı-aq negizgi sport nysandary men Atletter qalashyǵyna týr uıymdastyryldy.
Semınardyń mańyzdy jańalyqtarynyń biri oıyndar baǵdarlamasyna eki jańa sport túriniń – boks pen dýatlonnyń engizilýi boldy. Resmı bólimnen bólek, Qazaqstan UOK ókilderi jumys kezdesýin ótkizip, onda negizgi merzimder, delegasııa quramy, turaqtaý, logıstıka, júk pen sporttyq jabdyqty tasymaldaýdy rásimdeý sııaqty uıymdastyrýǵa baılanysty máselelerdi talqylady.
