foto: ashyq derekkóz
Onyń aıtýynsha ekonomıkalyq belsendilik artyp keledi.
«Aldyn-ala málimet boıynsha, qańtar-sáýir aılarynda jalpy ishki ónim qarqyny 6%-ǵa jetti. Munaı óndirisiniń qalypqa kelýi jáne shıkizattyq emes salalardyń qarqyndy damýy osyndaı nátıjege qol jetkizýge múmkindik berdi. Eń joǵary ósim 22,4 %-ben kólik jáne qoımalaý salasynda baıqaldy. Munyń bári ınfraqurylymdyq jobalardyń iske asyrylýymen tyǵyz baılanysty. Baǵa ósimi tirkelgen salalarda eńbek ónimdiliginiń de artqany baıqalady. Aǵymdaǵy jyldyń birinshi toqsanynda ónim berý kólik, qurylys, aýyl sharýashylyǵy men óńdeý ónerkásibi salalarynda naqty jalaqynyń dınamıkasynan asyp tústi», dedi Ulttyq bank tóraǵasy.
Tımýr Súleımenov soǵan qaramastan ekonomıkadaǵy óndiris sektory ishki suranysty qamtamasyz ete almaı otyrǵanyn atap ótti.
«Suranys pen usynys arasyndaǵy aıyrmashylyq saqtalyp, ınflıasııalyq qysymdy kúsheıte tústi», dedi ol.
