Turǵyndardyń aıtýynsha, atalǵan aımaqqa qurylys qaldyqtary men turmystyq qoqystar tógilgen. Tipti arnaıy kóliktermen ákelip tógip ketkeni baıqalady. Qoqys úıindisiniń arǵy jaǵynda – Semeı ormany memlekettik tabıǵı baılyǵy tıip tur. Bul – elimizdegi asa mańyzdy ekologııalyq oryn. Al dál irgesindegi bul turmystyq qaldyqtar tabıǵı ortaǵa ǵana emes, adam densaýlyǵyna da zııan ekeni sózsiz.
Eń alańdatarlyǵy — qoqys mańynda balalar erkin oınap júrse, qoqys arasynda buralqy ıtter qaptap júrgenin óz kózimizben kórdik.
Alaıda ótken sáýir aıynda óńirlik kommýnıkasııalar qyzmeti alańynda ótken baspasóz maslıhatynda Abaı oblysy Ekologııa departamentiniń basshysy Serik Sarbasov qoqys tastaıtyn zańsyz oryndar joıyldy dep málimdegeni esimizde.
– О́tken jyly óńir aýmaǵynda 266 zańsyz qoqys orny tirkeldi. Bul aldyńǵy jylmen salystyrǵanda 24%-ǵa az. Qazir «Ǵarysh Sapary» portalynda tirkelgen barlyq zańsyz qoqys oryndary tolyǵymen joıyldy, – degen edi Serik Sarbasov.
Resmı málimetke súıensek, mundaı zańsyz qoqys tastaıtyn oryndar joıylǵan, alaıda Qaraǵaıly mańyndaǵy bul polıgon sol tizimge ilinbegen nemese keıin paıda bolǵan.
Qalaıda bul «men saǵan prımerno dedim ǵoı» degen trentegi ysqaqtyń kebin kıip tur.
Abaı oblysy
