Foto: Sý resýrstary jáne ırrıgasııa vıse-mınıstrligi
Sala mınıstrliginiń málimetinshe, Tashkent ınjenerlik ırrıgasııa jáne aýyl sharýashylyǵyn mehanızasııalaý ınstıtýtyn támamdaǵan Nurlan Aldamjarov eńbek jolyn 1999 jyly «Tashoblmelıovodstroı» trestiniń №5 mehanıkalandyrylǵan óndiristik kolonnasynyń 4 razrıadty montajdaýshy sheberi laýazymynan bastaǵan.
2002-2008 jyldar aralyǵynda Tashkent, Shymkent qalalarynyń kommýnaldyq kásiporyndarynda túrli qyzmetter atqarǵan.
2008-2012 jyldary – Ońtústik Qazaqstan oblysynyń Tabıǵı resýrstar jáne tabıǵatty paıdalanýdy retteý basqarmasy sý resýrstaryn retteý jáne qorǵaý bóliminiń jetekshi mamanynyń mindetin atqarýshy, jetekshi mamany, bas mamany.
2012-2014 jyldary – Ońtústik Qazaqstan oblysynyń Energetıka jáne turǵyn úı-kommýnaldyq sharýashylyq basqarmasy Aýyz sýmen qamtamasyz etý bóliminiń bas mamany, basshysy, basqarma basshynyń orynbasary.
2015 jyly – Ońtústik Qazaqstan oblysy turǵyn úı-kommýnaldyq sharýashylyq jáne jolaýshylar kóligi basqarmasynyń basshysy bolyp taǵaıyndalǵan.
2015-2016 jyldary – «Nur Otan» partııasy Ortalyq apparatynyń uıymdastyrý-baqylaý jumysy departamenti dırektorynyń orynbasary, Partııalyq baqylaý qyzmetiniń basshysy qyzmetterin atqarǵan.
2016 jyly – AShM Sý resýrstary komıtetiniń «Qazsýshar» RMK gıdrotehnıkalyq qurylymdar bóliminiń jetekshi mamany boldy.
2016-2018 jyldary – atalǵan komıtettiń tóraǵa orynbasary.
2018-2020 jyldary – Jambyl oblysy ákimdiginiń Energetıka jáne turǵyn úı-kommýnaldyq sharýashylyq basqarmasynyń basshysy.
2020-2023 jyldary – Ekologııa, geologııa jáne tabıǵı resýrstar mınıstrliginiń Sý resýrstary komıtetiniń tóraǵasy qyzmetin atqardy.
2023 jylǵy qazan aıynan bastap osy ýaqytqa deıin Sý resýrstary jáne ırrıgasııa vıse-mınıstri qyzmetin atqardy.
