Bul eńbek – avtordyń buryn jaryq kórgen «Tulǵalar – ǵajap jandar» atty kitabynyń jalǵasy. Munda ult rýhanııatyna súbeli úles qosqan qaırat-ker azamattardyń kisilik kelbeti, degdar bolmysy haqynda baıandalady.
Tusaýkeser rásiminde sóz alǵan birqatar zııaly qaýym ókilderi Ǵalııa Baltabaıdyń qalam qarymyn, jýrnalıst retindegi dara jolyn erekshe atap ótti.
«Bul eńbek – jaı ǵana estelik emes, keler urpaqqa baǵdar bolatyn qundy dúnıe. 500 betten asatyn osy kitapta jastarǵa úlgi bolarlyq tulǵalar molynan qamtylǵan. Ǵalııa apaıdyń el úshin jasaǵan eńbegi tek jýrnalıstıkamen shektelmeıdi. Ol – ult múddesin aldyńǵy orynǵa qoıǵan shynaıy qoǵam qaıratkeri. Qazaq qyzy retinde elge sińirip júrgen qyzmeti – ekiniń biriniń qolynan kele bermeıtin is. О́zi de, jazǵan keıipkerleri de – ultqa shyn janashyr jandar. Mundaı rýhanı eńbekterdi elge jetkizip, jarııa etken avtorǵa alǵys bildiremin», dedi Parlament Senatynyń depýtaty Altynbek Nuhuly.
Jıyn barysynda Ǵalııa Qusaıynqyzy jınalǵan jurtshylyqqa shynaıy rızashylyǵyn bildirip, jyly lebizin jetkizdi. Sonymen qatar jańa eńbektiń jazylý barysy týraly da qysqasha áńgimelep ótti.
«Tulǵa basqa adamdarǵa uqsamaıdy. Olardyń ómirge degen kózqarasy erekshe. Ondaı jandar kóptiń biri emes. Osyndaı jandar qazirgi qoǵamǵa kerek. Sol sebepti ilgeridegi jáne ózim kórgen, moıyndaǵan tulǵalardyń ǵıbratty ǵumyryn qaǵazǵa túsirýdi maqsat ettim. Kitapqa engenderdiń birazy kezinde gazet-jýrnaldarǵa shyqqan maqalalarmen qosa, jańadan jazylǵan dúnıeler. Solar ár jerde shashylyp qalmasyn dep bir kitapqa toptastyrǵan edim», deıdi Ǵalııa Baltabaı.
