Qala turǵyndary men qonaqtary qatysqan kóńildi kesh barysynda Qonaev qalasynyń ákimi Ashat Berdihanov «Taza aýla» konkýrsynyń jeńimpazdaryn marapattady.
Saltanatty sharada atalǵan konkýrsqa belsene qatysyp, óz aýlasyn kóz tartarlyqtaı etip kógaldandyrǵan turǵyndar arasynda 3-oryndy Qoıshymanov kóshesi №6 kópqabatty turǵyn úıdiń turǵyny Lılııa Petrýshına ıelendi. Al 2-oryn 5-shaǵyn aýdandaǵy №56 kópqabatty úıdiń turǵyny Abdývalı Asylbekovke buıyrdy, al 1-oryndy 3-shaǵyn aýdandaǵy №28B kópqabatty úıdiń turǵyny Olga Popova jeńip aldy.
Qalanyń kórkine kórik qosyp, tabıǵat pen aýlanyń janashyry atanǵan azamattarǵa 100, 200 jáne 300 myńnyń sertıfıkattary tabys etildi. Bul «Taza aýla» konkýrsynyń alǵashqy kezeńi. Erekshe jarys ary qaraı da jalǵasyn tabady.
Turǵyndardy judyryqtaı jumyldyrǵan «Taza Qazaqstan» aksııasynyń basty maqsaty – tazalyq mádenıetin qalyptastarý. Atalǵan baǵyttaǵy jumystar qala ákimdigimen júıeli túrde júrgizilýde.
Almaty oblysy
