Keshtiń alǵashqy mınýttarynan-aq zalda birlik pen belsendilik atmosferasy sezildi. Júrgizýshiler men spıkerler azamattyq belsendiliktiń mańyzyn, ár adamnyń el bolashaǵy úshin jeke jaýapkershiligin erekshe atap ótti. Qatysýshylar ınteraktıvti bólimderge belsene qatysyp, qol shapalaqtaý men zaldan jaýap berý arqyly ózderiniń nyq ustanymdaryn bildirdi.
Jınalǵan kópshilik aldynda Konstıtýsııany qoldaý jónindegi Jalpyulttyq koalısııanyń óńirlik shtabynyń tóraǵasy men músheleri sóz sóıledi. Olardyń qatarynda Shyǵys Qazaqstan oblystyq máslıhatynyń tóraǵasy Rypakov Denıs Sergeevıch, S.Amanjolov atyndaǵy ShQÝ rektory Muhtar Tólegen jáne jas belsendi Anýar Ahmetqalıev boldy.
«Jańa Konstıtýsııa – memlekettiń ornyqty damýynyń berik negizi. Ony qoldaı otyryp, biz turaqtylyqty, ádilettilikti jáne senimdi alǵa qadam basýdy tańdaımyz. О́ńir turǵyndary belsendi azamattyq ustanym tanytyp, jarqyn bolashaq úshin daýys beredi dep senemin», dedi Denıs Rypakov.
Keshtiń mýzykalyq baǵdarlamasynda qazaqstandyq estrada juldyzdary Erkin Nurjanov, SADRADDIN jáne Mıras Júginisov óner kórsetti. Olardyń oryndaýlary keshtiń sharyqtaý shegine aınalyp, ásirese jastardyń ystyq yqylasyna bólendi.
Jańa Konstıtýsııa jobasyna qatysty qandaı jalǵan aqparattar tarady?
Uıymdastyrýshylar mundaı aýqymdy is-sharalar qoǵamdyq dıalogty nyǵaıtyp, ashyq pikir almasýǵa tıimdi alań qalyptastyratynyn atap ótti.
Jańa Konstıtýsııa jobasyn taldaýǵa arnalǵan partııaaralyq dıalog ótti
