Foto:ashyq derekkóz
Jańa túzetýlerge sáıkes attestasııalaý tártibine qazaq tilin bilýge arnalǵan test engizý usynyldy. Bul bastama memlekettik tildi meńgerýdi yntalandyrý jáne qyzmet sapasyn arttyrý maqsatynda qolǵa alynyp otyr.
Sonymen qatar zań jobasynda qyzmetkerler men olardyń otbasylaryna qatysty birqatar áleýmettik kepildikti zańmen bekitý kózdelgen. Atap aıtqanda, halyqaralyq uıymdarǵa nemese memlekettik organdarǵa ýaqytsha aýystyrylǵan ýaqytta, barlyq jeńildik pen ótemaqy tolyq kólemde saqtalady. Buǵan deıin bul ereje tek Úkimet qaýlysymen rettelip kelgen.
Buǵan qosa prokýratýra qyzmetkerlerin fızıkalyq jáne atys daıyndyǵynan normatıv tapsyrýdan bosatý usynyldy.
Zań jobasynda qyzmettik mindetin atqarý barysynda qaza tapqan quqyq qorǵaý organdary qyzmetkerleri men áskerı qyzmetshilerdiń otbasylaryna aı saıynǵy tólemder tóleý qarastyrylǵan.
Bul ózgerister quqyq qorǵaý qyzmetkerleriniń mártebesin arttyryp, olardyń áleýmettik kepildikterin naqtylaýǵa baǵyttalǵan. Zań jobasy ázirge jumys tobynyń talqylaýynda. Aldaǵy ýaqytta Senattyń qaraýyna engiziledi.
Araılym MYRZAHAN, EUÝ 2 kýrs stýdenti
