Sonymen qatar óńirdiń áleýmettik damýyna arnalǵan tólemderdi mindetteý úshin 8 jer qoınaýyn paıdalanýshy boıynsha sotqa talap-aryz joldanyp, 12-ine qaıta eskertpe hat joldandy. Odan bólek, jer qoınaýyn paıdalanýshylardyń ken ornyndardyń jerlerine zerdeleý jumystaryn júrgizý jónindegi is-shara josparyn bekitý usynylǵan.
Jergilikti polısııa qyzmeti basqarmasy basshysynyń orynbasary Begimhan Ahmetovtiń málimetinshe, oblys aýmaǵynda qurylys jumystarynyń qarqyndy júrgizilýine baılanysty topyraq, qum jáne qıyrshyq tasqa suranys artyp, jer qoınaýyn zańsyz paıdalaný derekteri oryn alýda.
Jyl basynan zańsyz jer qoınaýyn paıdalanýdyń 155 deregi anyqtalyp, jınaqtalǵan qujattar Ákimshilik kodeksiniń 139-babynda kózdelgen jaýapkershilikke tartý úshin, quzyrlyǵyna qaraı ekologııa departamentine joldanǵan. Zańsyz jer qoınaýyna qatysty faktiler Ordabasy, Saryaǵash, Qazyǵurt, Keles, Maqtaaral, Jetisaı, Shardara, Otyrar, Saýran aýdandary men Kentaý, Arys qalalary aýmaǵynda jıi tirkelip otyr.
Jergilikti polısııa qyzmeti basqarmasy júrgizgen reıdtik is-shara barysynda zańsyz jer qoınaýyn paıdalanýdyń – 21, zańsyz jer qoınaýyn tasymaldaýdyń 12 deregi anyqtaldy.
