38 jastaǵy ıspanııalyq maman «Qaırattyń» tizginin 2023 jyly ustady. Onyń basshylyǵymen atalǵan klýb Qazaqstan Sýperkýbogyn eki ret oljalap, el kýboginde dara shyqty. Portýgalııada ótken «Masters Cup» týrnırinde top jaryp, ÝEFA Chempıondar lıgasynyń kúmis júldegeri atandy. Komandanyń basshylyǵy Marlon Velaskoǵa rahmet aıtyp, aldaǵy kúnderi de eńbeginiń jemisti bolýyna tilektestik bildirdi.
Keıbir derekkózderine sensek, endi almatylyq klýbtyń bas bapkerlik qyzmetin osy komandanyń sporttyq dırektory Gýstavo Paradeda atqarady. 46 jastaǵy Brazılııanyń fýtzalshysy 2004-2009 jyldary «Qaırattyń» sapynda oınady. Keıinnen Reseı azamattyǵyn alyp, alty jyl sol eldiń týy astynda óner kórsetti. Sporttyq karerasyn aıaqtaǵannan keıin «Rostov», «Norılskıı Nıkel» jáne «Qaıratta» jattyqtyrýshy qyzmetin atqardy.
