Bıznesti transformasııalaýdyń tıimdi tustary

Aptanyń ekinshi kúni «Samuryq-Qazyna» UÁQ» AQ basqarma tóraǵasy О́mirzaq Shókeev pen «Qazaqstan temir joly» UK» AQ prezıdenti Asqar Mamın jáne The Boston Consulting Group keńesshileriniń qatysýymen ótken otyrysta «QTJ» UK» AQ-tyń strategııalyq mańyzdy jumys kórsetkishteri áńgime ózegine aınaldy. Sondaı-aq, bıznesti transformasııa­laý aıasynda kompanııany tıimdi basqarýdyń jańa júıesi de keńinen talqylandy. Otyrys barysynda «Qazaqstan temir joly» UK» AQ qyz­metindegi mańyzdy jumys­tardy múltiksiz atqara otyryp, paıdaly jumys koef­fısıentin jasaqtaý arqyly tapsyrys ıeleriniń suranysyn qanaǵattandyrý sharasy mamandar nazarynda boldy. Sóı­tip, jolaýshylar men júk jóneltýshilerdiń jáne ekspe­dıtorlarǵa qolaıly jaǵdaı jasap, qozǵalys qyzmetiniń qaýip­sizdigin jaqsartyp, túrli tıimdi ádister arqyly shyǵyn­dar­dy azaıta berý máselesi qaraldy. Keleli keńeste paıdaly jumys koeffısıentine negizdelgen tıimdilikti basqarýdyń jańa júıe­si kompanııanyń jumysyn ortaq maqsatqa jumyldyrady degen úmit zor ekendigi aıtyldy. Munymen birge, óndiristik tıimdilikti barynsha joǵary deńgeıde paıdalana otyryp, óndiristik úderisterdi basqarý men shyǵyndardy azaıtý, sondaı-aq, suranys ıeleriniń tapsyrysyna beıimdelýdi kózdeıtin ıgi sharalar alǵa shyqty. Onda árbir eńbekkerdiń paı­daly jumys koeffısıenti kom­panııanyń strategııasyn tıimdi atqarýǵa qyzmet etedi. Mundaı nátıjeli kórsetkishke jeke tulǵa retinde de jáne ujymdyq uıy­sýmen de jetý mańyzdy. Sebebi, osy kórsetkishterdiń nátıjesi ǵana kompanııanyń jańa júıede tabysqa jetýine tikeleı baılanysty. «QTJ» UK» AQ-tyń 2020 jylǵa deıingi strategııalyq damý baǵdarlamasyna baılanysty kompanııa Dara aksıo­neriniń talaptaryn oryndaı otyryp, bıznesti júrgizýdiń álemdik úzdik tájirıbelerin meńgerdi. Sonyń arqasynda, Qazaq­stannyń tıimdiligi asa jo­ǵary transulttyq korporasııasyna aınalýy tıis. Ulttyq kompanııanyń jańa paıdaly jumys koeffısıentine kóshýi tapsyrys ıelerine barynsha sapaly qyzmet kórsetýge baǵyttalyp, tutynýshylarǵa barlyq yńǵaılylyqty jasaýǵa úlken mańyz berip otyr. Ná­tıjesinde, «QTJ» UK» AQ-tyń basqarý tıimdiligi jaqsarady. Al onyń aksıoneri bolyp tabylatyn «Samuryq-Qazyna» UÁQ» AQ úshin de jańa júıe kóp paıda ákeledi. Atap aıtqanda, iri enshiles kásipornynyń aktıv quny ájeptáýir kóteriledi. Sapaly, ýaqytynda jáne qaýipsiz kóliktik-logıstıkalyq qyzmet kórsetý arqyly memlekettiń ekonomıkalyq damýyna qoldaý kórsetiledi. Alqaly jıynǵa qatysýshylar arasynda atalmysh jańa júıege baılanysty qyzý talqylaýlar uzaqqa jalǵasty. Árbir kór­set­kishter temirjolshylar men sarapshylar tarapynan jan-jaqty taldanyp, ár tusy te­reń zerdelendi. Atqarylǵan ju­mys­­­tardyń qorytyndysyna «Samuryq-Qazyna» UÁQ» AQ basqarma tóraǵasy О́.Shókeev pen «QTJ» UK» AQ prezıdenti A.Ma­mın keńinen toqtalyp, jańa júıeni engizýdegi jumystardyń oryndalý barysy únemi nazarda bolatyndyǵyn aıtty. Nurbaı ELMURATOV, «Egemen Qazaqstan».