Foto: Ashyq derekkóz
Tergeý barysynda kúdiktiniń jalpy somasy 1 mln teńgeden astam shyǵyn keltirgeni anyqtalǵan. Ol ata-analardy 2GIS mobıldi qosymshasyndaǵy «Pikirler» bóliminen taýyp, olarmen baılanysqa shyǵyp, ózin balabaqshaǵa ornalastyrý isinde kómektese alatyn «deldal» retinde tanystyrǵan.
«Kúdikti Indigo24.kz júıesi arqyly zańsyz túrde balabaqsha kezegin jyljytyp beremin dep ýáde bergen. Qarajatty alǵannan keıin ol izin sýytyp otyrǵan», delingen habarlamada.
Prokýratýra málimetinshe, memlekettik aıyptaýshy onyń kinásin tolyq dáleldegen.
Sot sheshimimen kúdiktige 4 jyl merzimge probasııalyq baqylaýmen bostandyqty shekteý jazasy taǵaıyndalǵan.
