Sýret: 7-su.kz
Sondaı múmkindikti barynsha paıdalanyp, ózin jan-jaqty jetildirýdi kózdegen otandasymyz, Halyqaralyq ınjenerlik-tehnologııalyq ýnıversıtetiniń 1-kýrs stýdenti Roman Stepanes ataqty «Coursera» platformasynda 260 kýrstan ótip, Qazaqstan joǵary oqý oryndary arasynda kósh bastady.
«Týrızm» mamandyǵynda oqıtyn ol basqarý, qarjy, psıhologııa, buqaralyq aqparat quraldary jáne jasandy ıntellekt baǵyttary boıynsha álemniń jetekshi oqý ordalary – Iel, Stenford, Mıchıgan ýnıversıteti, Ýeslıan jáne basqa da oqý oryndarynan 12 mamandandyrý baǵdarlamasyn meńgerdi. Romannyń jeke úzdik kýrstar tiziminde Iel ýnıversıtetiniń «Qarjy naryqtary» kýrsy, sondaı-aq Ýeslıan jáne Pensılvanııa ýnıversıtetteriniń psıhologııa men jasandy ıntellekt kýrstary bar.
«О́zin-ózi damytý – men úshin ómir salty. «Coursera» maǵan eń úzdik oqytýshylardan bilim alýǵa múmkindik berdi, men bul múmkindikti tolyq paıdalanýǵa tyrystym», dedi stýdent.
Roman alǵan bilimin belsendi túrde qoldanyp júr, «Coursera» platformasynda basqa stýdentterge oqýda qoldaý kórsetip, kommýnıkasııa men sıfrlyq bilim berý salasyndaǵy daǵdylaryn jetildirip jatyr. Keıipkerimiz dáristerden tys ýaqytta mýzykamen, sportpen jáne kitap oqýmen aınalysady.
