Foto: Ashyq derekkkóz
Mınıstrliktiń orta merzimdi boljamyna sáıkes, 2029 jylǵa deıin elimizge jalpy 2,9 mıllıon maman qajet bolady. Suranys ásirese áleýmettik jáne tehnıkalyq salalarda aıqyn baıqalady.
2025 jyly eń kóp suranysqa ıe mamandyqtar:
- Júrgizýshiler – 67,8 myń adam;
- Orta medısınalyq personal (pasıent kútimi) – 67,8 myń;
- Býhgalterler – 62,8 myń;
- Bastaýysh synyp muǵalimderi – 38,7 myń;
- Balabaqsha tárbıeshileri – 29,1 myń;
- Santehnıkter – 27 myń;
- Traktorıster – 22,2 myń;
- Qurylysshylar men montajshylar – 19,3 myń;
- Tiginshiler men kıim jóndeýshiler – 10 myń.
Vedomstvonyń málimetinshe, elimizde ásirese naqty sektorǵa baǵyttalǵan tájirıbeli mamandarǵa suranys joǵary. Bular — medısına, bilim berý, kólik, aýyl sharýashylyǵy jáne qurylys salalary.
Sarapshylardyń boljamy boıynsha, kelesi jyldary da eńbekke suranys joǵary bolady. Atap aıtqanda, 2026 jyly – 259,9 myń adam, 2027 jyly – 268,7 myń, 2028 jyly – 239,4 myń jáne 2029 jyly – 235,7 myń.
Osy oraıda memleket jumys kúshin daıarlaý jáne qaıta daıarlaý baǵytynda birneshe bastamany iske asyryp jatyr. Dýaldy oqytý júıesi damyp, óńirlik qajettilikterge negizdelgen sıfrlyq boljam quraldary engizilip jatyr.
