Foto: hometownlife.com
Daily Mail málimetinshe, ol óziniń sapary úshin úıin satyp, aldymen Reseıge, odan keıin Túrkııaǵa, ári qaraı búkil Afrıka qurlyǵy, Taıaý Shyǵys, Qazaqstan, Azııa, Okeanııa, Eýropa jáne Ońtústik Amerıkaǵa sapar shekken. Ol ár elde eń az ýaqyt degende bir tún túnep otyrǵan. Aralaǵan elinde túrli adamdardyń áńgimelerin tyńdap, olardyń eń baqytty sáti týraly vıdeo da túsirgen.
Maıkl Zervosqa Tynyq muhıtyndaǵy Samoa araly qatty unaǵan:
«Bul – jerdegi jumaq. To-Sýa – tabıǵı sý qoımasynyń sulýlyǵyna eshteńe teń kelmeıdi. Onyń ústine Samoa qarjy jaǵynan da qoljetimdi» dese, Býtan – Gımalaı shekarasyndaǵy býddıstik koroldik ony tereń mádenıetimen tańǵaldyryp: «Munda bári shynaıy. Adamdar dástúrmen ómir súredi. Bul óz janyńdy aınadan kórgendeı áser etedi», degen, al Lesoto – «Aspan asty koroldigi» teńiz deńgeıinen myń metr bıiktikte ornalasqan el – erekshe tabıǵaty jáne qonaqjaılylyǵymen esinde qalyp: «Taýly qalaǵa kóterilý – basqa ǵalamsharǵa ótkendeı», dep aıtqan.
Zervos tipti Soltústik Koreıada da bolyp, basqalar úshin jabyq eldiń halqy ashyq minezdi bolyp shyqqanyna tań qalǵan. Olarmen din, saıasat jáne ómir týraly áńgimelese kele, másele adamdarda emes rejımde ekenin túsingen.
AQSh-taǵy qalypty ómirine oralǵan saıahatshy álemdik sapary dúnıetanymyn túbegeıli ózgertkenin aıtqan.
Zervos BUU-ǵa múshe 193 elde, sondaı-aq baqylaýshy mártebesine ıe Vatıkan men Palestınada bolǵan. Gınnestiń rekordtar kitaby jahandyq jetistikterdi tirkeý kezinde dál osy sandy qoldanady.
