Monıtorıng barysynda mundaı nysandarda zańsyz saýda júrgizilgeni, halyq kóp jınalatyn saýda oryndaryndaǵy avtoturaq nysandarynda adam ómirine qaýip tóndiretin gaz ballondarynyń bolǵany anyqtaldy. Al bul kólik turaǵy keńistigin paıdalaný shartyna qaıshy.
Mamandandyrylǵan aýdanaralyq ekonomıkalyq sottyń sheshimi negizinde «Adem» saýda ortalyǵynyń aldyndaǵy avtoturaqta ornalasqan 30 zańsyz qurylym buzyldy. Sondaı-aq, sot «Iаlıan» saýda ortalyǵynda osyǵan uqsas 37 saýda núktesin alyp tastaý týraly qaýly shyǵardy. Sot oryndaýshylary sheshimniń negizinde nysandy buzý jumystaryn bastaǵan. «Almaty parkıng» KMK mundaı sharalar turaq aımaqtaryn zańsyz salynǵan nysandardan aryltyp, qaýipsizdikti kúsheıtetinin ári avtoturaq keńistigin retke keltiretinin túsindirdi.
Avtoturaqtardaǵy zańsyz saýda nysandaryn anyqtaý men joıý jumystary jalǵasa bermek. Jaýapty mamandar turǵyndar men bıznes ókilderin avtoturaqtardy paıdalaný erejesin qatań saqtaýǵa shaqyrdy.
