Qalamgerdiń Máskeýdegi keshi

Memlekettik jáne M.Sholohov atyndaǵy halyqaralyq syılyqtardyń laýreaty, Qazaqstannyń eńbek sińirgen qaıratkeri, Reseı Ádebıeti akademııasynyń akademıgi Sábıt Dosanovtyń 75 jasqa tolýyna oraı Reseı Jazýshylar odaǵy jáne «Qazaq tili», «Murager» qoǵamdyq uıymdary uıymdastyrǵan jazýshynyń shyǵarmashylyq keshi Reseı Federasııasynyń Beıbitshilik jáne kelisim saraıynda ótti. Keshte sóz sóılegen synshy, akademık Felıks Kýznesov, Reseı jazýshylar odaǵynyń birinshi hatshysy, aqyn Gennadıı Ivanov, tarıhshy, ádebıetshi Valentın Osıpov, Tájikstannyń halyq jazýshysy Shavqat Nııazı, jazýshy, Reseı baspasóz klýbynyń prezıdenti Valerıı Povolıaev, memleket jáne qoǵam qaıratkeri, general-leıtenant Sergeı Sokolov, Reseıdegi Qazaqstan elshisiniń qyzmetkeri Vıktor Temirbaev jáne basqa da sheshender esimi men eńbegi Sábıt Dosanov shyǵarmashylyǵynyń ádebı keńistikti keńeıtip, halyqtar dostyǵyna, beıbitshilik pen kelisim ıdeıalaryna qyzmet etip otyrǵanyn erekshe atap ótti. Keshte Sábıt Dosanovqa Sergeı Esenın atyndaǵy «Zolotaıa osen» syılyǵynyń dıplomy men ordeni tabystaldy, sonymen birge ol Vasılıı Shýkshın medalimen marapattaldy. Qazaqstan Respýblıkasynyń Prezıdenti Nursultan Nazarbaevtyń jazýshyny Máskeýdegi shyǵarmashylyq keshimen quttyqtaǵan jedelhaty oqyldy. Sábıt Dosanovtyń Máskeýde ótken shyǵarmashylyq keshine general-polkovnık, Reseı Jazýshylar odaǵynyń múshesi Iýrıı Efımov, kórnekti aqyn Leonıd Monastyrskıı, belgili armıan ádebıetshisi Stanıslav Oganıan, Halyqtar dostyǵy ýnıversıtetiniń prorektory, professor Nur Qırabaev, «Moskovskıı lıterator» gazetiniń bas redaktory Ivan Golýbnıchıı, Reseı men Qazaqstan jáne Qyrǵyzstannyń elge tanymal kórnekti tulǵalary qatynasty. «Egemen-aqparat».