«Kórme» ortalyǵynda shahardyń azyq-túlik, farmasevtıka, mashına jasaý, hımııa, jeńil ónerkásip, qurylys ındýstrııasy jáne basqa da salalar boıynsha ónim shyǵaratyn kompanııalar ónimderin kelýshiler nazaryna usyndy.
Uıymdastyrýshylardyń aıtýynsha Shymkentte ekonomıkalyq belsendilik artyp, kásipkerlik jyl ótken saıyn damyp keledi. Osyǵan oraı kórme-baıqaý jergilikti kásipkerlerdi nasıhattaý, olardyń sapaly ónimderin halyqqa tanystyrýdy maqsat tutty. Qos baıqaýǵa júzden astam kásipker qatysty. Arasynda iri, orta jáne shaǵyn bıznes ókilderi de bar. Táýelsiz sarapshylar solardyń arasynan úzdikterin anyqtap aldy. Endi olar ári qaraı respýblıkalyq baıqaýda baq synaıdy.
«Bir aýyl – bir ónim» jobasyna qatysqandar da ónimderin kórmege qoıdy. Baıqaý nátıjesinde qyryqtan astam taýar óndirýshiniń arasynan 10 úzdik jeke kásipker iriktelip alyndy.
Aıta ketý kerek «Bir aýyl – bir ónim» jobasy jergilikti ónimniń biregeı túrlerin shyǵaratyn kásipkerlerge qoldaý kórsetýdi kózdeıdi. Bul boıynsha kásipkerlerdi oqytý men konsýltasııalyq súıemeldeý qarastyrylǵan. Iаǵnı jobaǵa qatysýshylar jergilikti brendterdi qalyptastyramyz dese olarǵa naqty kómekter beriledi. Sonymen birge respýblıkalyq, halyqaralyq naryqtarǵa shyǵý úshin de qoldaýlar kórsetiledi.
Konkýrsqa túskenderdiń ónimi sapa men básekege qabilettiligi jaǵynan baǵalandy.
Sonymen, táýelsiz sarapshy-aýdıtorlar, bıznes-qaýymdastyqtar, salalyq qoǵamdyq birlestikter men jergilikti deńgeıdegi memlekettik organ ókilderinen quralǵan saraptamalyq komıssııa úsh nomınasııa boıynsha konkýrs jeńimpazdaryn anyqtady. Atap aıtqanda «Halyq tutynatyn úzdik taýarlar» nomınasııasyna – «Mır KDM tigin álemi», «Sagitex» pen «Bal Tekstıl» seriktestikteri laıyq dep tanyldy. Al «О́ndiristik maqsattaǵy úzdik taýarlar» atalymyn «QazAlPack», «Asia Trafo», «Karlskrona LC AB» kompanııalary jeńip aldy. Sondaı-aq «Úzdik azyq-túlik taýarlary» nomınasııasy «Alan ı Kompanııa», «Fırkan», «Saıram nan» káiporyndaryna tabystaldy.
Barlyq jeńimpazdar Astana qalasynda ótetin «Qazaqstannyń úzdik taýary – 2025» respýblıkalyq baıqaýyna qatysa alady.
Is-shara sońy ónerpazdar ujymy daıyndaǵan merekelik konsertke ulasty.
Shymkent
