PAVLODAR. 22 maýsym. Oblys ortalyǵyna qarasty Sháýken-Pavlodarskoe aýylynda dárigerlik ambýlatorııa «Densaýlyq saqtaý salasynyń 350 nysany» memlekettik baǵdarlamasy aıasynda boı kóterdi. Bul týraly egemen.kz tilshisi habarlady.
Ol halyqqa alǵashqy sanıtarlyq-medısınalyq kómek kórsetýge arnalǵan. Aýylda 6 myńnan astam turǵyn bar. Bólimshe qalalyq №3 emhanaǵa qaraıdy. Ambýlatorııada 13 dáriger qyzmet kórsetedi. Kúndizgi stasıonar kabınetteri turǵyndar qabyldaıdy. Oblys ákimdiginiń málimetinshe, ambýlatorııanyń qurylysy men qural-jabdyqtarmen qamtamasyz etýge jergilikti bıýdjetten 147 mıllıon teńge bólindi.
Bıyl oblystyq bıýdjette densaýlyq saqtaý salasyn qarjylandyrýǵa 35 mlrd. teńge qarastyrylypty. Buǵan Krasnoarmeıka, Chernoresk, Mıchýrın, Sharbaqty aýdany Hmelnıskıı, Aqtoǵaı aýdanynyń Qojamjar, Aqsýdyń Jolqudyq aýyldarynda dárigerlik bólimsheler qurylysy júrgizilýde.
Farıda Byqaı.
Derek, sýret: egemen.kz
