Sýret: gov.kz
Saýda jáne ıntegrasııa mınıstrligi Tutynýshylardyń quqyqtaryn qorǵaý komıteti mynadaı qyzyqty derekterdi alǵa tartady. Máselen, Almaty qalasynda tutynýshy 215 mln teńgege satyp alǵan, biraq úshinshi tulǵaǵa satylyp ketken jyljymaıtyn múlik nysanyna qatysty daý departamenttiń aralasýymen oń sheshimin tapqan. Al Qaraǵandy oblysynda 45 kúnnen asa ýaqyt berilmegen páter boıynsha shart talaptarynyń oryndalýy qamtamasyz etilip, tutynýshy 33,5 mln teńge turatyn jyljymaıtyn múlikke qol jetkizgen.
Basqa da qyzyqty ári sheshimin tapqan mysaldar:
- Semeı qalasynda qoǵamdyq tamaqtaný ornynda tutynýshynyń tapsyrysy oryndalmaı, mekeme tutynýshylar buryshyn ornalastyrý mindetin oryndamaǵany úshin ákimshilik jaýapkershilikke tartyldy.
- Aqtóbe oblysynda tutynýshynyń týroperatorlarǵa qatysty shaǵymy boıynsha sotqa deıingi jáne sot prosesinde departament mamandary qoldaý kórsetip, nátıjesinde 6,6 mln teńge ótemaqy óndirilip berildi.
- Pavlodar men Jetisý oblystarynda ondaǵan tutynýshynyń quqyǵy toptyq negizde qorǵaldy: kosmetıka jıyntyǵy úshin rásimdelgen 10,8 mln teńge nesıe men jetkizilmegen smartfondar úshin 7,2 mln teńge qaıtaryldy.
- Túrkistan oblysynda Dýbaı qalasyna oryndalmaǵan týr úshin 1,2 mln teńge qaıtarylyp, Shymkentte sanıtarlyq talaptarǵa sáıkes kelmeıtin jerde kórsetilgen fıtnes qyzmetteri úshin tutynýshylarǵa ótemaqy berildi.
Azamattar tipti 700 teńge turatyn sapasyz oıynshyqqa qatysty da ótemaqy talap etip, óz quqyqtaryn qorǵaǵan.
