Konsert baǵdarlamasyna Qazaqstan, Túrkııa, О́zbekstan jáne Qyrǵyzstannan kelgen belgili opera solısteri, sondaı-aq Abaı atyndaǵy teatrdyń sımfonııalyq orkestri men hory qatysty. Qatysýshylar ulttyq jáne álemdik opera klassıkasynyń tańdaýly týyndylarynan arııalar oryndap, sahnalyq kórinister usyndy.
Mýzykalyq keshte elimizdiń eńbek sińirgen qaıratkeri Erbolat Ahmedııarov, Qýanysh Ismaılov jáne Qyrǵyz ulttyq akademııalyq opera jáne balet teatrynyń bas dırıjeri Zahar Býtenko dırıjerlik etti. Konsert E.Brýsılovskııdiń «Qyz Jibek» operasynan úzindimen ashyldy.
Festıval aıasynda, sondaı-aq, teatr ǵımaratynda túrki elderiniń opera jáne balet teatrlary dırektorlary keńesiniń IV otyrysy ótti. Jıyn barysynda qatysýshylar Abaı atyndaǵy teatr murajaıyn aralap, onyń qalyptasý tarıhymen jáne kásibı dástúrlerimen tanysty. Keńes jumysyn TÚRKSOI Bas hatshylyǵy janyndaǵy Qazaqstan Respýblıkasynyń ókili Nyshankúl Qarataeva ashyp, uıym Bas hatshysy Sultan Raevtiń quttyqtaý hatyn oqydy.
Keńes músheleri teatr óneri salasyndaǵy halyqaralyq yntymaqtastyqty keńeıtý, kásibı áriptestikti damytý jáne birlesken jobalardy iske asyrý máselelerin talqylady. Bul bastama túrki halyqtarynyń ortaq mádenı murasyn nasıhattaýǵa jáne rýhanı baılanysty nyǵaıtýǵa baǵyttalǵan.
