Tergep-tekserý nátıjesinde «AlES» aksıonerlik qoǵamyna qatysty QR ÁQBtK-niń 159-babynyń 3-1-bóligine sáıkes ákimshilik quqyqbuzýshylyq týraly is qozǵaldy. Is materıaldary Almaty qalasynyń mamandandyrylǵan aýdanaralyq ákimshilik sotyna joldanyp, sot sheshimimen «AlES» AQ 4,4 mlrd teńge kóleminde ákimshilik aıyppul salý túrinde jaýapkershilikke tartyldy.
Qazirgi sátte sottyń qaýlysy zańdy kúshine engen joq. BQDA málimdegendeı, Indýstrııalyq aımaq – Almaty qalasynda basym salalardy damytý men jeke kásipkerlikke memlekettik qoldaý kórsetý maqsatynda qurylǵan. Qazirgi ýaqytta onyń aýmaǵynda 118 kásipkerlik sýbektisi tirkelgen, al ınvestısııalar kólemi 400 mlrd teńgeden asady. Energııa resýrstaryn tartý men tutynýǵa ketetin shyǵyndardy azaıtý úshin memleket tarapynan JES-2 jelilerine tikeleı qosylǵan elektr jelileri júrgizilgen. Alaıda «AlES» AQ Indýstrııalyq aımaqta qalalyq elektr jelileri bolmaǵanyna qaramastan, energııamen jabdyqtaýshy uıymdy affılıırlengen energııa jetkizýshi uıymnyń jelileri arqyly elektr energııasyn jetkizý qyzmetimen birge satyp alýǵa mindettegen.
