Komıssııanyń kezekti otyrysy

Keshe Aqordada Qazaqstan Respýblıkasynyń Memlekettik hatshysy Gúlshara Ábdiqalyqovanyń jetekshilik etýimen Shetelde kadrlar daıarlaý jónindegi respýblıkalyq komıssııanyń kezekti otyrysy ótti. G.Ábdiqalyqova komıssııa ju­mysyn ashqan sózinde ústimizdegi jyl­dyń 11 naýryzynda ótken «Nur Otan» partııasynyń XVI se­zinde Elbasynyń 5 basty halyqtyq reformalar jasaýdy jáne olardyń qatarynda kásibı avto­nomııalyq memlekettik apparatty qa­lyp­tastyrýdy aıtqanyn eske salyp ótti. Memlekettik hatshy atal­ǵan ba­ǵytqa   «Bolashaq» baǵ­dar­lamasymen oqyǵan jastardyń áleýe­tin barynsha tıimdi paıdalaný jáne olardy memlekettik qyz­metke belsendi túrde tartý qajet­tigin atap kórsetti. Bilim jáne ǵylym mınıstrliginiń máli­meti boıynsha, búgingi tańda baǵdar­lama túlekteriniń tek 6,5%-y (bul «Bolashaq» baǵdarlamasymen oqy­ǵan 400 stýdent) ǵana alǵan bilim­derin memlekettik organdarda qol­danýda eken. Osy kórsetkishti ulǵaıtý qajettigi týyndap otyr, dedi Memlekettik hatshy. G.Ábdiqalyqova «Nurly Jol» ınfraqurylymdyq jobasyn iske asyrý aıasynda el ekonomıkasynyń basty salalary men qazirgi memlekettik apparat úshin joǵary kásibı kadrlardy daıarlaý jónindegi komıssııanyń aldynda turǵan mindetterdi de belgilep berdi. Otyrys barysynda Qazaqstan Respýblıkasy Prezıdentiniń «Bolashaq» halyqaralyq stıpendııasyn odan ári júzege asyrýdyń ózekti máseleleri qaraldy. Aǵymdaǵy jyly Qazaqstannyń Indýstrııalyq-ınnovasııalyq damý memlekettik baǵdarlamasy úshin kadrlar daıarlaýǵa baǵyttalǵan elimizdegi joǵary oqý oryndaryna ǵylymı kadrlardy daıar­laıtyn jańa Split PhD júıesin engizý josparlanyp otyr. Osy jyldan bastap, «Bolashaq» stıpendııasy ıegerlerin aǵylshyn tili boıynsha tildik daıarlaýdyń jańa úlgisi iske qosylady. Konkýrsqa qatysýshy úmitkerlerdiń qujattary 2015 jylǵy 13 sáýirden bas­tap qabyldanady. Otyrys qorytyndysy boıynsha Qazaqstan Respýblıkasynyń Memlekettik hatshysy Shetelde kadr­lar daıarlaý jóninde respýblıkalyq komıssııanyń jumysyn odan ári uıymdastyrýǵa baılanysty birqatar naqty tapsyrma berdi. Jaqsybaı SAMRAT, «Egemen Qazaqstan».