Foto: Turizm jane sport ministrligi
Kórkem gımnastıka: Sofııada (Bolgarııa) ıýnıorlar arasyndaǵy álem chempıonatynda Aqmaral Erekesheva tarıhı jetistikke qol jetkizdi. Ol dop jáne lenta jattyǵýlarynda altyn, shyǵyrshyq jattyǵýynda kúmis medal jeńip aldy.
Semserlesý: Indonezııanyń Balı qalasynda Azııa chempıonatynda otandastarymyz 1 kúmis jáne 1 qola júlde enshiledi.
Sporttyq gımnastıka: Challenge Cup (О́zbekstan) jarysynda ulttyq quramanyń úsh sportshysy júldegerler qatarynan kórindi.
Baıdarka jáne kanoemen eskek esý: Taılandtyń Raıong qalasynda ótken Azııa chempıonatynda (U23) ulttyq qurama 6 altyn, 6 kúmis, 3 qola medal enshilep, jalpykomandalyq esep boıynsha 2 oryn aldy.
Kúres: Vetnamnyń Výngtaý qalasynda 23 jasqa deıingiler arasyndaǵy Azııa básekesinde balýandarymyz 6 altyn, 6 kúmis, 7 qola medal oljalady.
Jaǵajaı voleıboly: Taılandtyń Roıet qalasynda jastar arasyndaǵy Azııa chempıonatynda Qazaqstan quramasy jeńimpaz atandy. Bul – el tarıhyndaǵy jastar arasyndaǵy Azııa chempıonatyndaǵy alǵashqy altyn.
Sadaq atý: Sıngapýrdegi Azııa kýbogi kezeńinde Qazaqstan quramasy 2 altyn jáne 1 qola medal jeńip aldy.
Tennıs: Qazaqstannyń birinshi, álemniń 45-raketkasy Aleksandr Býblık Germanııanyń Galle qalasynda ATP 500 týrnıriniń jeńimpazy atandy. Fınalda ol álemniń 11-raketkasy reseılik Danııl Medvedevti jeńdi.
Sondaı-aq Zarına Dıas Ispanııada ITF W35 týrnırinde top jardy.
